জম্মু, ০৩ জুলাই (হি.স.)। অহা ৬ আৰু ৭ জুলাইত ভাৰতীয় জনতা পাৰ্টিৰ ৰাষ্ট্ৰীয় সভাপতি নীতিন নবীয়ে প্ৰথম দুদিনীয়া জম্মু-কাশ্মীৰ ভ্ৰমণলৈ আহিব । জম্মু-কাশ্মীৰৰ সাম্প্ৰতিক ৰাজনৈতিক পৰিস্থিতি সন্দৰ্ভত দলৰ নেতা, বিধায়ক, আৰু অন্যান্য বিষয়ববীয়াৰ সৈতে গভীৰ আলোচনাত মিলিত হ’ব ।

পাৰ্টিৰ সূত্ৰই জনোৱা মতে, অহা ৬ জুলাইত ৰাষ্ট্ৰীয় সভাপতিগৰাকীয়ে ইয়াত উপস্থিত হৈ ভাৰতীয় জনসংঘৰ প্ৰতিষ্ঠাপক সভাপতি ড০ শ্যামা প্ৰসাদ মুখাৰ্জীৰ জন্ম জয়ন্তী উপলক্ষে এখন ৰাজহুৱা সভাত ভাষণ দিব । সাম্প্ৰতিক ৰাজনৈতিক পৰিস্থিতি আৰু দলৰ কাম-কাজ সন্দৰ্ভত দলৰ নেতা আৰু দলৰ উচ্চপদস্থ বিষয়াৰ সৈতে নবীনে বিতং আলোচনাত মিলিত হ’ব বুলি জানিবলৈ দিয়ে। জম্মু-কাশ্মীৰত মোডী চৰকাৰৰ বিভিন্ন কল্যাণমূলক আঁচনি আৰু কাৰ্যসূচী ৰূপায়ণৰ সন্দৰ্ভতো দলীয় কৰ্মীসকলৰ সৈতে পৰ্যালোচনা কৰা হ’ব । অৱশ্যে দলীয় সূত্ৰেও উল্লেখ কৰিছে যে বিজেপিৰ ৰাষ্ট্ৰীয় সভাপতিগৰাকীও উধামপুৰ ভ্ৰমণ কৰিব ।

-----------------

হিন্দুস্থান সমাচাৰ / অৰৱিন্দ