বলীউডৰ ছুপাৰষ্টাৰ আমিৰ খানে প্ৰথমবাৰৰ বাবে প্ৰেয়সী গৌৰী স্প্ৰেটৰ সৈতে তেওঁৰ বিবাহৰ উৰাবাতৰি ৰাজহুৱাভাৱে নিশ্চিত কৰিছে। শেহতীয়াকৈ তেওঁ ৱেব ধাৰাবাহিক প্ৰীতম এণ্ড পেড্ৰ'ৰ প্ৰদৰ্শনীত অংশগ্ৰহণ কৰিছিল, য'ত সংবাদ মাধ্যমৰ সৈতে হোৱা আদান-প্ৰদানৰ সময়ত তেওঁ প্ৰকাশ কৰিছিল যে তেওঁ ৫ জুলাইত গৌৰীৰ সৈতে বিবাহপাশত আবদ্ধ হ'ব। আমিৰে উল্লেখ কৰে যে দুয়ো পৰিয়ালৰ উপস্থিতিত তেওঁৰ ঘৰত এই বিয়াখন সহজ আৰু ব্যক্তিগত বিষয় হ’ব। তেওঁ নতুন জীৱনৰ বাবে পাপাৰাজী আৰু অনুৰাগীৰ পৰাও আশীৰ্বাদ বিচাৰিছিল।

আমিৰ খানে উল্লেখ কৰে যে এই বিয়াখন মুম্বাইৰ বান্দ্ৰাত থকা তেওঁৰ বাসগৃহত আদালতৰ বিবাহ হ’ব। এই অনুষ্ঠানত কেৱল পৰিয়ালৰ সদস্য, অভিনেতাগৰাকীৰ সন্তান, আৰু দুই এজন ঘনিষ্ঠ বন্ধু-বান্ধৱীয়েহে অংশগ্ৰহণ কৰিব। পুৱা বা বিয়লি অনুষ্ঠিত হোৱাৰ সম্ভাৱনা আছে। বিয়াৰ পিছত কোনো ধৰণৰ গ্ৰেণ্ড ৰিচেপচন নাথাকিব আৰু সমগ্ৰ অনুষ্ঠান ব্যক্তিগত হ’ব বুলিও স্পষ্ট কৰি দিয়ে অভিনেতাগৰাকীয়ে।

মন কৰিবলগীয়া যে আমিৰ খানে প্ৰথমে ৰাজহুৱাভাৱে গৌৰী স্প্ৰাটক নিজৰ সংগী হিচাপে চিনাকি কৰাই দিছিল তেওঁৰ ৬০ বছৰীয়া জন্মদিনত। বিগত ডেৰ বছৰ ধৰি দুয়োৰে সম্পৰ্ক। এইটো হ’ব আমিৰৰ তৃতীয়খন বিবাহ, আৰু তেওঁৰ অনুৰাগীসকলে আগ্ৰহেৰে অপেক্ষা কৰি আছে।

--------------

হিন্দুস্থান সমাচাৰ / অৰৱিন্দ