নতুন দিল্লী, ২৭ জুলাই (হি.স.)। ছ’চিয়েল মিডিয়াত ককৰোচ জনতা পাৰ্টি (চিজেপি)ৰ ছাত্ৰ প্ৰতিবাদৰ সময়ত সক্ৰিয় হৈ থকা পৰিৱেশবিদ সোণম ৱাংচুকক সোমবাৰে গুৰুগ্ৰামৰ মেদান্ত চিকিৎসালয়ৰ পৰা ঘৰলৈ যাবলৈ দিয়া হয়। ৱাংচুকে নিজেই এক্সত এটা ভিডিঅ’ত এই তথ্য শ্বেয়াৰ কৰিছে।

ৱাংচুকে কয়, মোক চিকিৎসালয়ৰ পৰা মুকলি কৰি দিয়া হৈছে। মই মহাত্মা গান্ধীক শ্ৰদ্ধাঞ্জলি জনাবলৈ ৰাজঘাটলৈ যাম আৰু তাৰ পিছত পাহাৰলৈ উভতি যাম।

লগতে গুৰুগ্ৰামৰ মেদান্ত চিকিৎসালয়ৰ চিকিৎসক আৰু কৰ্মচাৰীসকলকো কৃতজ্ঞতা জ্ঞাপন কৰে।

উল্লেখযোগ্য যে দিল্লীৰ যন্তৰ মন্তৰত ৩৭ দিনীয়া চিজেপিৰ ছাত্ৰ প্ৰতিবাদৰ সময়ত ৱাংচুকে ২৬ দিন অনশন কৰিছিল। এই সময়ছোৱাত অসুস্থতাৰ বাবে তেওঁক ছফদৰজং হাস্পতালত ভৰ্তি কৰোৱা হয়। পিছত তেওঁক গুৰুগ্ৰামৰ মেদান্ত চিকিৎসালয়ত ভৰ্তি কৰোৱা হয়, য’ৰ পৰা আজি তেওঁক ঘৰলৈ যাবলৈ দিয়া হয়।

নীট প্ৰশ্নকাকত ফাদিল হোৱাক লৈ কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত এই প্ৰতিবাদ সাব্যস্ত কৰে, যাৰ পিছত যোৱা শনিবাৰে মন্ত্ৰীগৰাকীয়ে পদত্যাগ কৰে। লগতে ভৱিষ্যতে এনে অনিয়ম ৰোধ কৰিবলৈ দেশৰ শিক্ষা আৰু পৰীক্ষা ব্যৱস্থাৰ পৰিৱৰ্তনৰ দাবী জনায় চিজেপিয়ে। এই দাবী সন্দৰ্ভত ছাত্ৰ-ছাত্ৰীক এতিয়ালৈকে চৰকাৰে কোনো আশ্বাস দিয়া নাই।

--------------

হিন্দুস্থান সমাচাৰ / অৰৱিন্দ