বাৰ্লিন, ২৬ জুলাই (হি.স.)। উত্তৰ-পশ্চিম জাৰ্মানীৰ এটা আৱাসিক এলেকাত শনিবাৰে এখন সৰু ব্যক্তিগত বিমান এখন ঘৰৰ চাদত খুন্দা মৰাৰ ফলত বিমানখনত থকা দুজন লোকৰ মৃত্যু হয়। স্থানীয় আৰক্ষীয়ে দুৰ্ঘটনাটো নিশ্চিত কৰি তদন্ত আৰম্ভ কৰা বুলি জানিবলৈ দিয়ে।
আৰক্ষীৰ মতে, লঘু বিমানখন অলডেনবাৰ্গৰ ওচৰৰ গাণ্ডাৰকেজ অঞ্চলত দুৰ্ঘটনাগ্ৰস্ত হয়। বিমানখনে পোনপটীয়াকৈ এটা ঘৰৰ ঢালযুক্ত চালত খুন্দা মৰাৰ ফলত বিমানখন ছাদত ভূপাতিত হয়।
আৰক্ষীৰ প্ৰাৰম্ভিক প্ৰতিবেদন অনুসৰি জাহাজখনত থকা দুজন লোকৰ এজনৰ মৃত্যু হোৱাৰ বিপৰীতে আনজন নিৰুদ্দেশ হৈছে। পিছত দীৰ্ঘদিনীয়া আৰু জটিল ধ্বংসাৱশেষ আঁতৰোৱাৰ অভিযানৰ অন্তত নিশ্চিত হয় যে দুৰ্ঘটনাত দুয়োজন যাত্ৰীৰ মৃত্যু হৈছে। মৃত্যু হোৱা লোকজনৰ বয়স ৬৫ আৰু ৭৭ বছৰ বুলি জানিব পৰা গৈছে আৰু দুয়োজনেই জাৰ্মানীৰ ব্ৰেমেনৰ বাসিন্দা।
দুৰ্ঘটনা সংঘটিত হোৱাৰ পিছত সতৰ্কতামূলক ব্যৱস্থা হিচাপে ওচৰৰ ঘৰবোৰ খালী কৰা হয়। ধ্বংসাৱশেষ আঁতৰোৱাৰ কাম সম্পূৰ্ণ হোৱাৰ পিছত স্থানীয় বাসিন্দাসকলক নিৰাপদে ঘৰলৈ উভতি যাবলৈ দিয়া হয়।
বিমান দুৰ্ঘটনাৰ কাৰণ নিৰ্ণয় কৰিবলৈ কৰ্তৃপক্ষই আনুষ্ঠানিক তদন্ত আৰম্ভ কৰিছে। কাৰিকৰী বিজুতি, বতৰ সম্পৰ্কীয় কাৰণ বা আন কোনো কাৰণত এই দুৰ্ঘটনা সংঘটিত হৈছে সেয়া বৰ্তমান স্পষ্ট নহয়।
-----------------
হিন্দুস্থান সমাচাৰ / অৰৱিন্দ
