ছানা, ২৫ জুলাই (হি.স.)। চৌদি আৰব আৰু য়েমেনৰ মাজত পুনৰ উত্তেজনা বৃদ্ধি পাইছে। ছৌদি আৰৱৰ জিজান অঞ্চলত ঔদ্যোগিক স্থানত ক্ষেপণাস্ত্ৰ আক্ৰমণ চলোৱা বুলি দাবী কৰিছে য়েমেনৰ সেনাই। য়েমেনে কয় যে আল হুদাইদা আৰু কামাৰাণ দ্বীপত চৌদি আৰৱৰ বিমান আক্ৰমণৰ প্ৰতিক্ৰিয়া স্বৰূপে এই ব্যৱস্থা গ্ৰহণ কৰা হৈছে। দুয়োপক্ষৰ পৰা অবিৰত সতৰ্কবাণীয়ে অঞ্চলটোত সংঘাত আৰু অধিক তীব্ৰতৰ হোৱাৰ আশংকা সৃষ্টি কৰিছে।
ইৰাণৰ ফাৰ্চ সংবাদ সংস্থা আৰু অন্যান্য সংবাদ মাধ্যমৰ বাতৰি অনুসৰি, শনিবাৰে পুৱা এই আক্ৰমণৰ পূৰ্বে ছৌদি সেনাই পশ্চিম য়েমেনৰ আল-হুদাইদাৰ ঘাটি আৰু কামাৰাণ দ্বীপত কেইবাটাও বিমান আক্ৰমণ চলাইছিল। য়েমেনে দাবী কৰিছে যে তেওঁলোকৰ বায়ু প্ৰতিৰক্ষা ব্যৱস্থাই ছৌদি যুদ্ধ বিমানক নিজৰ আকাশমাৰ্গৰ পৰা বাহিৰ কৰিবলৈ বাধ্য কৰাইছিল।
আক্ৰমণৰ পিছতে য়েমেনৰ বৈদেশিক মন্ত্ৰালয়ে ছৌদি আৰৱক কঠোৰ সতৰ্কবাণী জাৰি কৰি কয় যে এই সামৰিক কাৰ্য্যৰ পৰিণতিৰ বাবে ৰিয়াদ চৰকাৰে সম্পূৰ্ণ দায়িত্ব ল’ব। মন্ত্ৰালয়ে অভিযোগ কৰে যে ছৌদি আৰবে য়েমেনৰ ওপৰত দীৰ্ঘদিনীয়া অৱৰোধ উঠাই লোৱাৰ দাবীৰ কথা বিবেচনা কৰাৰ পৰিৱৰ্তে সামৰিক ব্যৱস্থা বাছি লৈছে।
বৈদেশিক মন্ত্ৰালয়ে এক বিবৃতিত কয় যে আল-হুদাইদাহ আক্ৰমণৰ ফলত আঞ্চলিক উত্তেজনা নতুন মাত্ৰালৈ বৃদ্ধি পাব আৰু “আক্ৰমণৰ বিপৰীতে আক্ৰমণ” নীতি গ্ৰহণ কৰা হ’ব।
ইফালে, য়েমেনৰ আনছাৰুল্লাহ আন্দোলনৰ জ্যেষ্ঠ নেতা হাজেম আল আছাদেও ছৌদি আৰৱক সকীয়াই দি কয় যে, “বন্দৰৰ বিপৰীতে বন্দৰ, বিমানবন্দৰৰ বিপৰীতে বিমানবন্দৰ আৰু প্ৰতিটো আক্ৰমণৰ সন্মুখীন হ’ব আৰু ডাঙৰ আক্ৰমণ।”
ইয়াৰ পূৰ্বে য়েমেনৰ সেনাই চৌদি আৰৱৰ ঘাটিৰ বিৰুদ্ধে নৌসেনাৰ অভিযান অব্যাহত ৰখাৰ কথা ঘোষণা কৰিছিল। সেনাই কৈছিল যে লোহিত সাগৰত চৌদি আৰৱৰ তেল টেংকাৰক লক্ষ্য কৰি লোৱাটো তেওঁলোকৰ “অৱৰোধৰ বাবে অৱৰোধ” নীতিৰ অংশ।
য়েমেনেও চলিত মাহৰ আৰম্ভণিতে চৌদি আৰৱৰ বিৰুদ্ধে সামুদ্ৰিক অৱৰোধ আৰোপ কৰাৰ কথা ঘোষণা কৰিছিল। সামৰিক মুখপাত্ৰ ব্ৰিগেডিয়াৰ জেনেৰেল ইয়াহ্যা ছাৰিয়ে সকীয়াই দিয়ে যে চৌদি আৰৱৰ যিকোনো নতুন আক্ৰমণৰ সন্মুখীন হ’ব “ব্যাপক আৰু কঠোৰ ব্যৱস্থা”।
--------------------
হিন্দুস্থান সমাচাৰ / অৰৱিন্দ
