গুৱাহাটী, ২৫ জুলাই (হি.স.)। অসমৰ বান পৰিস্থিতি ভয়াৱহ হৈয়ে আছে। উচ্চ অসমৰ শিৱসাগৰ, চৰাইদেউ, আৰু যোৰহাট জিলাত ভয়াৱহ দুৰ্যোগৰ সৃষ্টি হৈছে। চৰকাৰৰ লগতে বিভিন্ন সংস্থাই সাহায্য আৰু উদ্ধাৰ অভিযানত নিয়োজিত হৈ আছে। ভাৰতীয় সেনাইও ৰাইজক সহায়ৰ বাবে অভিযান চলাই আছে। এই সন্দৰ্ভত মুখ্যমন্ত্ৰী ড০ হিমন্ত বিশ্ব শৰ্মাই ছ’চিয়েল মিডিয়াত এটা পোষ্ট শ্বেয়াৰ কৰি ভাৰতীয় সেনাক প্ৰশংসা কৰে।

নিজৰ পদত মুখ্যমন্ত্ৰীয়ে অপাৰেচন জল ৰাহাটক সাহস, সেৱা, আৰু মানৱতাৰ এক অনন্য নিদৰ্শন বুলি অভিহিত কৰে।

তেওঁ উল্লেখ কৰে যে ভাৰতীয় সেনাৰ ৰেড শ্বিল্ড ডিভিজনৰ জোৱানসকলে অপাৰেচন জল ৰাহাটৰ জৰিয়তে উত্তৰ অসমৰ বানপীড়িত অঞ্চলসমূহত ধাৰাবাহিকভাৱে উদ্ধাৰ, সাহায্য, আৰু পুনৰ সংস্থাপনৰ কাম কৰি আহিছে। হাজাৰ হাজাৰ লোকক উচ্ছেদ কৰাৰ উপৰিও বানাক্ৰান্ত লোকসকলক সময়মতে খাদ্য, পানী, চিকিৎসা, আৰু অন্যান্য প্ৰয়োজনীয় সামগ্ৰী যোগান ধৰিছিল। সেনাৰ অভিযান্ত্ৰিক দলসমূহেও অসামৰিক প্ৰশাসনক বিচ্ছিন্ন অঞ্চলত যোগাযোগ পুনৰুদ্ধাৰ কৰাত সহায় কৰিছিল।

এই কঠিন সময়ত ভাৰতীয় সেনা, অসামৰিক প্ৰশাসন, এন ডি আৰ এফ, এছ ডি আৰ এফ আৰু সংশ্লিষ্ট সকলো সংগঠনকে সাহস, সমন্বয় আৰু নিষ্ঠাবান সেৱা আগবঢ়োৱাৰ বাবে আন্তৰিক ধন্যবাদ।

হিন্দুস্থান সমাচাৰ / অৰৱিন্দ