গোৱালপাৰা, ২৫ জুলাই (হি.স.)। গোৱালপাৰা জিলাৰ ধনুভাঙাত নিশা সংঘটিত হয় এক ভয়ংকৰ বাইক দুৰ্ঘটনা। এই ঘটনাত নিহত হয় এজন যুৱক ৷

জানিব পৰামতে, ধনুভাঙাৰ মাদাং গাঁৱত তীব্ৰ বেগত গছত খন্দিয়াই থিতাতে নিহত জিতুল ৰাভা (১৮) নামৰ এজন যুৱক ৷ তীব্ৰ বেগৰ বাবে নিয়ন্ত্ৰণ হেৰুৱাই পথৰ কাষৰ গছত খন্দিওৱাৰ ফলত থিতাতে নিহত হয় যুৱকজন ৷ নিহত যুৱকজনৰ ঘৰ ধূপধৰা থানাৰ অন্তৰ্গত “গনেশজুলিত” বুলি জানিব পৰা গৈছে ৷ দুৰ্ঘটনাটো ইমানেই ভয়ংকৰ আছিল যে, তীব্ৰ বেগত বাইকখনেৰে গছত খন্দিয়াই নিহত যুৱকজন গছত ওলমি ৰোৱাৰ লগতে বাইকখন পথাৰত চিটিকি পৰে ৷

ধূপধৰা আৰক্ষীয়ে দুৰ্ঘটনাগ্ৰস্ত যুৱকজনক উদ্ধাৰ কৰি প্ৰথমে বিকালী আদৰ্শ চিকিৎসালয়ত ভৰ্তি কৰোৱাৰ পিছত ধূপধৰা থানালৈ লৈ আনে ৷

উল্লেখ্য যে দুৰ্ঘটনাগ্ৰস্ত বাইকখন নম্বৰপ্লেট বিহীন আছিল ৷

---------------

হিন্দুস্থান সমাচাৰ / প্ৰকাশ ডেকা