নতুন দিল্লী, ২৪ জুলাই (হি.স.)। পৰিবেশবিদ তথা সমাজকৰ্মী সোণম ৱাংচুকে যোৱা নিশাৰ ভাগত তেওঁৰ ২৬ দিনীয়া অনশন ভংগ কৰে। এই সন্দৰ্ভত তেওঁ এটা ভিডিঅ’ প্ৰকাশ কৰি কয় যে দেশত জবাবদিহিতা প্ৰতিষ্ঠা কৰিব লাগিব। চৰকাৰৰ পৰা লাভ কৰা আলোচনা আৰু আশ্বাসৰ বিষয়েও তেওঁ বিতংভাৱে দাঙি ধৰে। অৱশ্যে ইয়াত কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ কথা উল্লেখ কৰা হোৱা নাই।

সোণম ৱাংচুকে কয় যে চৰকাৰ আৰু আন দলৰ নেতাসকলে তেওঁক আশ্বাস দিছে যে পৰীক্ষা ব্যৱস্থাৰ বিফলতাৰ জবাবদিহিতা নিৰ্ণয়ৰ বাবে সংসদত আলোচনা কৰা হ’ব। নীট পৰীক্ষাৰ প্ৰশ্নকাকত ফাদিল হোৱা ঘটনাত আত্মহত্যা কৰা ছাত্ৰ-ছাত্ৰীৰ পৰিয়ালক চৰকাৰে পৰ্যাপ্ত ক্ষতিপূৰণ প্ৰদান কৰিব বুলিও তেওঁ উল্লেখ কৰে। শান্তিপূৰ্ণভাৱে প্ৰতিবাদ কৰা ছাত্ৰ-ছাত্ৰী আৰু যুৱক-যুৱতীসকলৰ বিৰুদ্ধে কোনো গোচৰ ৰুজু নহ’ব বুলিও চৰকাৰে তেওঁক আশ্বাস দিছে বুলিও তেওঁ উল্লেখ কৰে।

ইফালে, কনষ্টিটিউচনেল ক্লাবত যন্তৰ মন্তৰত প্ৰতিবাদ সাব্যস্ত কৰা চিজেপি নেতাৰ সৈতে চৰকাৰে আলোচনাত মিলিত হ’ব পাৰে বুলি খবৰ ওলাইছে। এই সন্দৰ্ভত চৰকাৰ বা বিজেপিৰ কোনো আনুষ্ঠানিক বিবৃতি পোৱা নাই। ইফালে চিজেপিৰ নেতৃত্ব দিয়া অভিজিৎ দিপকে কয় যে ধৰ্মেন্দ্ৰ প্ৰধানে পদত্যাগ নকৰালৈকে তেওঁলোকৰ প্ৰতিবাদ অব্যাহত থাকিব। সোণম ৱাংচুকৰ ত্যাগক নষ্ট হ’বলৈ নিদিয়ে বুলিও তেওঁ উল্লেখ কৰে।

উল্লেখযোগ্য যে যোৱা নিশা সন্ধিয়া কেন্দ্ৰীয় মন্ত্ৰী জে পি নড্ডা আৰু ড০ জিতেন্দ্ৰ সিঙৰ উপস্থিতিত সোণম ৱাংচুকে ২৬ দিনীয়া অনশনৰ অন্ত পেলায়।

-----------------

হিন্দুস্থান সমাচাৰ / অৰৱিন্দ