নতুন দিল্লী, ২৪ জুলাই (হি.স.)। যন্তৰ মন্তৰ আৰু ইয়াৰ আশে-পাশে থকা ম’বাইল ইণ্টাৰনেট সেৱা বন্ধ কৰাৰ চৰকাৰে দিয়া নিৰ্দেশক প্ৰত্যাহ্বান জনাই এখন আবেদনৰ শুনানি গ্ৰহণ কৰিবলৈ দিল্লী উচ্চ ন্যায়ালয়ে সন্মতি প্ৰকাশ কৰিছে। আজি উচ্চ ন্যায়ালয়ে শুনানি গ্ৰহণ কৰিব এই আবেদনৰ।

আজি আবেদনকাৰীৰ অধিবক্তাই মুখ্য ন্যায়াধীশ ডি কে উপাধ্যায়ৰ নেতৃত্বত গঠিত বিচাৰপীঠৰ সন্মুখত জৰুৰী শুনানিৰ বাবে মেনচন দাখিল কৰে। উল্লেখ কৰাৰ সময়ত আবেদনকাৰীয়ে যুক্তি আগবঢ়ায় যে কেন্দ্ৰীয় চৰকাৰ আৰু সংশ্লিষ্ট কৰ্তৃপক্ষই হঠাতে যন্তৰ মন্তৰৰ আশে-পাশে থকা অঞ্চলসমূহত মোবাইল ইণ্টাৰনেট সেৱা বন্ধ কৰাৰ নিৰ্দেশ দিছে। এই কাৰ্য্য সম্পূৰ্ণ স্বেচ্ছাচাৰী, অবৈধ, আৰু নাগৰিকৰ মৌলিক অধিকাৰ খৰ্ব কৰে।

নিৰাপত্তাৰ চিন্তা আৰু প্ৰতিবাদৰ পৰিপ্ৰেক্ষিতত চৰকাৰে মোবাইল ইণ্টাৰনেট সেৱা বন্ধ কৰাৰ নিৰ্দেশক প্ৰত্যাহ্বান জনাই জনস্বাৰ্থৰ গোচৰৰ শুনানি গ্ৰহণ কৰিবলৈ দিল্লী উচ্চ ন্যায়ালয়ে সন্মতি প্ৰকাশ কৰিছে। আজি বিয়লি আদালতে শুনানি গ্ৰহণ কৰিব।

পূর্বৰ কাগজ ফাদিলৰ বিৰুদ্ধে বিগত কিছুদিন ধৰি যন্তৰ মন্তৰত অবিৰতভাৱে প্ৰতিবাদ সাব্যস্ত কৰি আহিছে ছাত্ৰ-ছাত্ৰীয়ে। ইয়াৰ পাছতে কেন্দ্রীয় গৃহ মন্ত্র্যালয়ে আইন-শৃংখলাৰ পৰিস্থিতিৰ উদ্ধৃতি দি টেলিকমিউনিকেচন আইন আৰু আনুষংগিক নিয়মৰ অধীনত সতর্কতামূলক ব্যৱস্থা হিচাপে যন্তৰ মন্তৰৰ পৰা ডেৰ কিলোমিটাৰ ব্যাসার্ধৰ ভিতৰত মোবাইল ইণ্টাৰনেট সেৱা সাময়িকভাৱে স্থগিত ৰখাৰ নির্দেশ জাৰি কৰে৷ এই নিষেধাজ্ঞা সন্ধিয়াৰ পৰা গভীৰ নিশালৈকে কাৰ্যকৰী হৈছিল, যাৰ ফলত যন্তৰ মন্তৰ, কন’ট প্লেচ, মণ্ডি হাউচকে ধৰি অঞ্চলসমূহত মোবাইল ডাটা সেৱাত প্ৰভাৱ পৰিছিল।

আবেদনখনত উল্লেখ কৰা হৈছে যে এই সঘনাই ইণ্টাৰনেট বিচ্ছিন্নতাৰ বাবে সাধাৰণ জনতা, স্থানীয় ব্যৱসায়ী, ছাত্ৰ-ছাত্ৰী, আৰু পেছাদাৰীসকলে যথেষ্ট অসুবিধাৰ সন্মুখীন হৈছে। আৱেদনখনত কেন্দ্ৰীয় চৰকাৰৰ এই নিৰ্দেশক মত প্ৰকাশৰ স্বাধীনতা আৰু তথ্যৰ অধিকাৰ উলংঘা বুলি অভিহিত কৰা হৈছে।

হিন্দুস্থান সমাচাৰ / অৰৱিন্দ