নতুন দিল্লী, ২৪ জুলাই (হি.স.)। নীট আৰু চিবিএছই পৰীক্ষাত হোৱা অনিয়মৰ প্ৰতিবাদ আৰু ছাত্ৰ-ছাত্ৰীৰ বিৰুদ্ধে আৰক্ষীৰ কাৰ্যকলাপৰ প্ৰতিবাদত কংগ্ৰেছে অহা ২৫ জুলাইৰ সন্ধিয়া সমগ্ৰ দেশতে জিলা পৰ্যায়ৰ মমবাতি সমদল আৰু সত্যগ্ৰহৰ আয়োজন কৰিব। এই কাৰ্যসূচী মহাত্মা গান্ধী বা ড০ ভীমৰাও আম্বেদকাৰৰ প্ৰতিমূৰ্তিৰ ওচৰত সমাপ্ত হব আৰু এয়া ছাত্ৰ-ছাত্ৰী তথা যুৱক-যুৱতীসকলৰ সৈতে সংহতিৰ প্ৰতীক হব।

কংগ্ৰেছৰ সাধাৰণ সম্পাদক কে চি ভেনুগোপালে শুকুৰবাৰে জাৰি কৰা আনুষ্ঠানিক পত্ৰত উল্লেখ কৰা হৈছে যে পৰীক্ষা ব্যৱস্থাৰ ব্যৰ্থতাৰ বাবে ভৱিষ্যত প্ৰভাৱিত হোৱা ছাত্ৰ-ছাত্ৰী আৰু যুৱক-যুৱতীসকলৰ সমৰ্থনত এই সত্যগ্ৰহ কৰা হ’ব। কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ শীঘ্ৰে পদত্যাগৰ দাবী জনায় দলটোৱে।

পত্ৰখনত উল্লেখ কৰা হৈছে যে ৰাজ্য আৰু জিলা কংগ্ৰেছৰ সকলো সমিতিয়ে নিজ নিজ এলেকাত এই অনুষ্ঠানৰ নেতৃত্ব দিব লাগে। ব্লক কংগ্ৰেছ কমিটি, ফ্ৰন্টাল সংগঠন, বিভাগ, কোষ, আৰু কৰ্মীসকলৰ সক্ৰিয় অংশগ্ৰহণ নিশ্চিত কৰিব লাগে।

কংগ্ৰেছে ৰাজ্যৰ সকলো কংগ্ৰেছ কমিটীৰ সভাপতিক এই অনুষ্ঠানটো শান্তিপূৰ্ণ, অনুশাসিত, আৰু ফলপ্ৰসূভাৱে অনুষ্ঠিত কৰাটো নিশ্চিত কৰিবলৈ কয়। ইয়াৰ উপৰিও কংগ্ৰেছে ছাত্ৰ-ছাত্ৰীৰ সৈতে থিয় দিছে আৰু গণতান্ত্ৰিক কণ্ঠ দমনৰ যিকোনো প্ৰচেষ্টাৰ বিৰোধিতা কৰিব বুলি স্পষ্টভাৱে বাৰ্তা প্ৰেৰণ কৰিবলৈ সংবাদ মাধ্যম আৰু ছ’চিয়েল মিডিয়াৰ ব্যাপক কভাৰেজ নিশ্চিত কৰে।

হিন্দুস্থান সমাচাৰ / মনোজ কুমাৰ শইকীয়া