বৰপেটা, ২৪ জুলাই (হি.স.)। এই বাজেট জনকল্যানমূলক বাজেট। ৰাজ্য চৰকাৰৰ পূৰ্বৰ সকলো আচনি পুনৰ আৰম্ভ হব তাক আমি আদৰণি জনাইছো । এই বাজেটে বজালীলৈ দুটা ভাল খবৰ লৈ আহিছে । বজালী জিলা বিজেপিৰ সংবাদমেল । সংবাদমেল সম্বোধন কৰে বজালী জিলা বিজেপিৰ সভাপতি মুকুট কলিতাই। বজালীবাসীয়ে দাবী নকৰাকৈয়ে বজালীত এখন মেডিকেল কলেজ স্থাপন কৰা হব । নিৰ্বাচনৰ প্ৰতিশ্ৰুতি মৰ্মে এই মেডিকেল কলেজ লাভ কৰিলে বজালী বাসীয়ে।

ভট্টদেৱ বিশ্ববিদ্যালয়লৈ পুনৰ ৫০ কোটি টকা আবন্তনৰ প্ৰস্তাৱ প্ৰদান কৰিছে এই বাজেট খনে । এইয়া আমাৰ বজালীবাসীৰ বাবে অত্যন্ত এটা ভাল খবৰ । তাৰ বাবে আমি মুখ্যমন্ত্ৰী ড০ হিমন্ত বিশ্ব শৰ্মাক ধন্যবাদ জ্ঞাপন কৰিছো । এই বাজেট খনে নবপ্ৰজন্মৰ বাবে আশাৰ ৰেঙনি কঢ়িয়াই আনিছে ।নতুনকৈ কেইবাখনো আচনি ৰূপায়নৰ ব্যৱস্থা কৰা হৈছে । কৃষিৰ ক্ষেত্ৰতো এই বাজেটে বিশেষ গুৰুত্ব আৰোপ কৰা হৈছে । কৃষকৰ শস্যৰ উৎপাদন বৃদ্ধিৰ প্ৰতি লক্ষ্য দিয়া হৈছে। চিকিৎসা সেৱা উন্নত কৰাৰ বাবে গুৰুত্ব প্ৰদান কৰি চিকিৎসা সেৱা প্ৰদান কৰাৰ বাবে নতুনকৈ পদ সৃষ্টি কৰা হৈছে ।

হিন্দুস্থান সমাচাৰ / কিশোৰ মিশ্ৰ