ভুৱনেশ্বৰ, ২৪ জুলাই (হি.স.)। পবিত্ৰ নগৰী পুৰীত আজি বাহুদা যাত্ৰা উদযাপন কৰা হৈছে, য'ত ভগৱান জগন্নাথ, ভগৱান বলভদ্ৰ, আৰু দেৱী সুভদ্ৰা গুণ্ডিচা মন্দিৰৰ পৰা জগন্নাথ মন্দিৰলৈ উভতি আহিছে। এই উপলক্ষে মহানগৰীত ব্যাপক নিৰাপত্তা আৰু যাতায়তৰ ব্যৱস্থা ৰূপায়ণ কৰা হৈছে। শোভাযাত্ৰাৰ আৰম্ভণি হয় পাহান্দি বিজে অনুষ্ঠানেৰে।

এই পবিত্ৰ শোভাযাত্ৰাৰ সাক্ষী হ’বলৈ পুৱাৰে পৰা পুৰীত উপস্থিত হ’বলৈ আৰম্ভ কৰে হাজাৰ হাজাৰ ভক্ত। গ্ৰেণ্ড ৰোড (বড়া দাণ্ডা)ত বিপুল জনসমাগম হোৱাৰ সম্ভাৱনা আছে, য’ত ওড়িশাকে ধৰি দেশৰ বিভিন্ন প্ৰান্তৰ ভক্তসকলে দেৱতাসকলৰ দৰ্শন কৰিবলৈ সমবেত হৈছে।

ৰথ যাত্ৰাৰ সামৰণি পৰ্য্যায়ৰ বাবে বহু লাখ ভক্তৰ আগমন ঘটিছে। ৰথসমূহ সুচাৰুৰূপে ঘূৰি অহাৰ বাবে প্ৰশাসনে বিশদ নিৰাপত্তা, যান-বাহন নিয়ন্ত্ৰণ, আৰু ভিৰ ব্যৱস্থাপনাৰ ব্যৱস্থা কৰিছে।

বিশেষকৈ বড়া দণ্ডা পথৰ কাষত মহানগৰীৰ গুৰুত্বপূৰ্ণ স্থানত নিৰাপত্তা বাহিনী মোতায়েন কৰা হৈছে, য’ৰ পৰা তিনিখন ৰথ শ্ৰীমন্দিৰ অভিমুখে আগবাঢ়িব। ভক্তৰ গতিবিধি নিয়ন্ত্ৰণ আৰু শৃংখলা বজাই ৰখাত বিশেষ গুৰুত্ব দিয়া হৈছে।

যান-বাহন ব্যৱস্থাপনা পৰিকল্পনাৰ অংশ হিচাপে প্ৰশাসনে পুৰী আৰু ইয়াৰ আশে-পাশে মুঠ ৩১টা পাৰ্কিং জ’ন সৃষ্টি কৰিছে। এই পাৰ্কিং স্থানসমূহত প্ৰায় ৭,৩৩০খন লঘু মটৰ গাড়ী আৰু ১৮,০০০ৰো অধিক দুচকীয়া বাহন ৰখাৰ ক্ষমতা আছে। প্ৰচণ্ড জনসমাগমৰ পৰিপ্ৰেক্ষিতত ভক্তসকলে যাতে কোনো ধৰণৰ অসুবিধাৰ সন্মুখীন নহয় তাৰ বাবে অতিৰিক্ত যান-বাহন ডাইভাৰচন আৰু নিয়ন্ত্ৰণ ব্যৱস্থাও ৰূপায়ণ কৰা হৈছে।

হিন্দুস্থান সমাচাৰ / অৰৱিন্দ