নগাঁও, ২৩ জুলাই (হি.স.)। নগাঁও জিলাৰ কামপুৰ বুন্দুৰাত সংঘটিত হৈছে এক শোকাৱহ ঘটনা। বুন্দুৰাত বিষাক্ত সৰ্প দংশনত এগৰাকী ১১ বছৰীয়া কিশোৰীৰ মৃত্যু হৈছে ৷

জানিব পৰামতে, বুধবাৰে সন্ধিয়া নিজা বাসগৃহতে বিষাক্ত সৰ্পই দংশন কৰে কিশোৰী গৰাকীক ৷ ততাতৈয়াকৈ কিশোৰী গৰাকীক নগাঁও মেডিকেল কলেজ হস্পিতাললৈ নিয়ে যদিও চিকিৎসকে মৃত ঘোষণা কৰে ৷

মৃত কিশোৰী গৰাকীক বুন্দুৰা গাঁৱৰ হিয়ামণি পাটৰ বুলি জানিব পৰা গৈছে ৷ বানপানীৰ সময়তে এই ঘটনা সংঘটিত হৈছে। সৰ্প দংশনত কিশোৰী গৰাকীৰ মৃত্যু হোৱাৰ ঘটনাই অঞ্চলটো শোকদগ্ধ কৰি তোলে।

হিন্দুস্থান সমাচাৰ / প্ৰকাশ ডেকা