কেপ টাউন, ২৩ জুলাই (হি.স.)। দক্ষিণ আফ্ৰিকাৰ জনপ্ৰিয় টি-২০ ফ্ৰেঞ্চাইজি লীগ এছ এ ২০ৰ পঞ্চম ছিজনৰ সূচী বৃহস্পতিবাৰে ঘোষণা কৰা হয়। ২০২৭ চনৰ ১৭ জানুৱাৰীৰ পৰা ২১ ফেব্ৰুৱাৰীলৈ অনুষ্ঠিত হ’বলগীয়া এই প্ৰতিযোগিতাখনৰ উদ্বোধনী মেচত ডিফেণ্ডিং চেম্পিয়ন ছানৰাইজাৰ্ছ ইষ্টাৰ্ণ কেপ আৰু ৰানাৰ্ছ আপ প্ৰিট’ৰিয়া কেপিটেলছৰ মাজত গ্কেবেৰহাৰ ছেইণ্ট জৰ্জ পাৰ্কত অনুষ্ঠিত হ’ব।

প্ৰতিযোগিতাখনৰ দ্বিতীয় দিনা পাৰ্লত যোৱা ছিজনৰ আন দুটা প্লে অফ দল পাৰ্ল ৰয়েলছ আৰু জোহান্সবাৰ্গ ছুপাৰ কিংছৰ মাজত মুখামুখি হ’ব। ২৩, ৩০, ৬ ফেব্ৰুৱাৰী আৰু ১৩ ফেব্ৰুৱাৰীত সমগ্ৰ প্ৰতিযোগিতাখনত শনিবাৰৰ চাৰিটা ডাবল হেডাৰ খেলিব।লীগ পৰ্যায়ৰ অন্তিমখন খেল ১৪ ফেব্ৰুৱাৰীত কেপ টাউনৰ নিউলেণ্ডছত এম আই কেপ টাউন আৰু প্ৰিট’ৰিয়া কেপিটেলছৰ মাজত অনুষ্ঠিত হ’ব।

ফাইনেল খেলখন ঠিক এসপ্তাহৰ পিছত ২১ ফেব্ৰুৱাৰীত অনুষ্ঠিত হ’ব।ইয়াৰ পূৰ্বে কোৱালিফায়াৰ ১ আৰু এলিমিনেটৰ ক্ৰমে পাৰ্ল আৰু জোহান্সবাৰ্গত অনুষ্ঠিত হ’ব, আনহাতে কোৱালিফায়াৰ ২ জোহান্সবাৰ্গৰ ৱাণ্ডাৰাৰছ খেলপথাৰতো অনুষ্ঠিত হ’ব।

এছ এ ২০ লীগৰ আয়ুক্ত গ্ৰেম স্মিথে সূচী প্ৰকাশ কৰাৰ লগে লগে কয় যে নতুন ছিজনৰ দিশত এইটো এটা ডাঙৰ প্ৰথম পদক্ষেপ। যোৱা ছিজনৰ ফাইনেলিষ্টৰ মাজত প্ৰথমখন মেচতকৈ ভাল আৰম্ভণি হ’ব নোৱাৰে বুলিও তেওঁ কয়। ক্ৰিকেট দক্ষিণ আফ্ৰিকাৰ উদ্ধৃতিৰে স্মিথে কয় যে, যোৱা ছিজনত ছানৰাইজাৰ্ছ ইষ্টাৰ্ণ কেপ আৰু প্ৰিট'ৰিয়া কেপিটেলছৰ মাজত ৰোমাঞ্চকৰ ফাইনেল অনুষ্ঠিত হৈছিল। গতিকে নতুন ছিজনৰ প্ৰথমখন মেচ দুয়োটা দলৰ মাজত হোৱাটো উপযুক্ত।

এইটো একেৰাহে দ্বিতীয়বাৰৰ বাবে, আৰু সামগ্ৰিকভাৱে তৃতীয়বাৰৰ বাবে নিউলেণ্ডছে ফাইনেল আয়োজন কৰিছে। কেপ টাউনৰ মেয়ৰ জৰ্ডিন হিল-লুইছে ইয়াক চহৰখনৰ বাবে গৌৰৱৰ বিষয় বুলি অভিহিত কৰি কয় যে আইচিচি পুৰুষ ক্ৰিকেট বিশ্বকাপ আয়োজন কৰা বছৰটোত এছএ২০ ফাইনেল আয়োজন কৰিলে কেপ টাউনৰ ক্ৰিকেটৰ উত্তৰাধিকাৰ আৰু অধিক শক্তিশালী হ’ব। প্ৰথমবাৰৰ বাবে এছ এ২০ প্লে অফ মেচখন আয়োজন কৰিছে পাৰ্লে। গ্ৰেম স্মিথে কয় যে পাৰ্লৰ দৰ্শকে সদায় লীগখনক প্ৰচণ্ড সমৰ্থন আগবঢ়াই আহিছে আৰু এতিয়া প্ৰথমবাৰৰ বাবে প্লে অফৰ মেচ চাবলৈ সুযোগ পাব।

এছ–এ২০ প্লে অফৰ সূচী

কোৱালিফায়াৰ ১: ১৬ ফেব্ৰুৱাৰী, ২০২৭, বলেণ্ড পাৰ্ক, পাৰ্ল

এলিমিনেটৰ: ১৭ ফেব্ৰুৱাৰী, ২০২৭, ৱাণ্ডাৰাৰছ, জোহান্সবাৰ্গ

কোৱালিফায়াৰ ২: ১৯ ফেব্ৰুৱাৰী, ২০২৭, ৱাণ্ডাৰাৰছ, জোহান্সবাৰ্গ

ফাইনেল: ২১ ফেব্ৰুৱাৰী, ২০২৭, নিউলেণ্ডছ, কেপ টাউন

-----------------

হিন্দুস্থান সমাচাৰ / অৰৱিন্দ