কোকৰাঝাৰ, ২৩ জুলাই (হি.স.): কোকৰাঝাৰ জিলাৰ শ্ৰীৰামপুৰৰ হাৰাপুটাত ৰাষ্ট্ৰীয় ঘাইপথত যোৱা কালি বুধবাৰে বিয়লি পথ দুৰ্ঘটনাত গুৰুতৰভাৱে আহত হয় এজন যুৱক । এক অজ্ঞাত ট্ৰেইলাৰ গাড়ীৰ লগত মুখামুখি সংঘৰ্ষৰ ফলত এই দুৰ্ঘটনা সংঘটিত হয় ।

জানিব পৰামতে, ৰাজমিস্ত্ৰী হাজিৰা কাম শেষ কৰি আহি থাকোঁতে সংগঠিত হয় এই দুৰ্ঘটনা । শ্ৰীৰামপুৰ চাৰিআলিৰ সমীপৰ পৰা দিনহাজিৰা শেষ কৰি মটৰ চাইকেলেৰে ঘৰ অভিমুখে যোৱাৰ সময়ত হাৰাপুটা মিছনত সংগঠিত হয় এই দুৰ্ঘটনা । যুৱকজন গোসাঁইগাঁও আৰক্ষী থানাৰ অন্তৰ্গত ২নং ভোমৰাবিল গাঁৱৰ আমিৰ হামজাৰ পুত্ৰ ইমৰাণ হুছেইন (২২) বুলি চিনাক্ত কৰা হৈছে । উক্ত টাৰ্ণিঙত নিয়োজিত আৰক্ষীৰ অৱহেলাৰ বাবে এই ঘটনা সংঘটিত হোৱাৰ আশংকা কৰা হৈছে ।

হিন্দুস্থান সমাচাৰ / কিশোৰ মিশ্ৰ