নতুন দিল্লী, ২৩ জুলাই (হি.স.)। কেন্দ্ৰীয় তদন্তকাৰী সংস্থা (চিবিআই)ই চণ্ডীগড় স্মাৰ্ট চিটি লিমিটেড (চি এছ চি এল) আৰু চণ্ডীগড় পৌৰ নিগমৰ একাউণ্টৰ পৰা ধন আত্মসাৎ কৰাৰ অভিযোগত চণ্ডীগড় আৰু লুধিয়ানাৰ পাঁচটা স্থানত অভিযান চলাইছে । তালাচীৰ সময়ত ডিজিটেল প্ৰমাণ, বিত্তীয় ৰেকৰ্ড, সম্পত্তিৰ নথি-পত্ৰ, ইলেক্ট্ৰনিক ডিভাইচ, আৰু তদন্তৰ সৈতে জড়িত অন্যান্য গুৰুত্বপূৰ্ণ নথি-পত্ৰ উদ্ধাৰ কৰি জব্দ কৰা হয়।

চিবিআইৰ মতে, আইডিএফচি ফাৰ্ষ্ট বেংকত থকা চণ্ডীগড় স্মাৰ্ট চিটি লিমিটেড আৰু চণ্ডীগড় পৌৰ নিগমৰ একাউণ্টৰ পৰা ধন অপব্যৱহাৰৰ অভিযোগৰ তদন্তৰ অংশ হিচাপে এই কাৰ্য্য সংঘটিত কৰা হৈছে। সন্দেহযুক্ত হিতাধিকাৰী, চণ্ডীগড় স্মাৰ্ট চিটি লিমিটেডৰ বিষয়া অনুভৱ মিশ্ৰ, আনুষংগিক ব্যক্তিগত সত্তা,কে ধৰি অন্যান্য সন্দেহযুক্ত লোকৰ আৱাসিক আৰু ব্যৱসায়িক চৌহদত তালাচী চলোৱা হয়।

সংস্থাটোৱে জনোৱা মতে, জব্দ কৰা নথি-পত্ৰসমূহৰ ভিতৰত আছে ষ্ট’ৰেজ ড্ৰাইভ, ডিজিটেল স্বাক্ষৰ, সম্পত্তিৰ ৰেকৰ্ড, বিত্তীয় লেনদেনৰ নথি-পত্ৰ, কেইবাটাও ইলেক্ট্ৰনিক ডিভাইচ, আৰু অন্যান্য অভিযোগনামা দাখিল কৰা সামগ্ৰী। এই সকলোবোৰ নথি আৰু ইলেক্ট্ৰনিক ৰেকৰ্ডৰ বিশদ পৰীক্ষা আৰু বিশ্লেষণ চলি আছে।

চিবিআইয়ে উল্লেখ কৰিছে যে এই গোচৰটো চণ্ডীগড়ৰ আইডিএফচি ফাৰ্ষ্ট বেংকৰ ছেক্টৰ-৩২ শাখাৰ সৈতে জড়িত বৃহত্তৰ বেংকিং কেলেংকাৰীৰ অংশ। অভিযোগ কৰা হৈছে যে হাৰিয়ানাৰ আঠটা চৰকাৰী বিভাগৰ চৰকাৰী ধনৰ প্ৰায় ৫০৪ কোটি টকা ভুৱা বা অস্তিত্বহীন ফিক্সড ডিপ’জিট (এফডি) আৰু জালিয়াতিৰে ডেবিট লেনদেনৰ জৰিয়তে উলিওৱা হৈছিল আৰু শ্বেল কোম্পানীৰ জৰিয়তে স্থানান্তৰ কৰা হৈছিল।

সংস্থাটোৱে উল্লেখ কৰিছে যে হাৰিয়ানা চৰকাৰৰ অনুৰোধত ৰাজ্যিক সতৰ্কতা আৰু দুৰ্নীতি নিবাৰক ব্যুৰোৰ পৰা এই তদন্ত গ্ৰহণ কৰিছিল। হাৰিয়ানা গোচৰৰ ১৭জন অভিযুক্তৰ বিৰুদ্ধে এই পৰ্যন্ত অভিযোগনামা দাখিল কৰা হৈছে। ইয়াৰ ভিতৰত আছে আইডিএফচি ফাৰ্ষ্ট বেংক আৰু এ ইউ স্মল ফাইনেন্স বেংকৰ ছয়জন বেংক বিষয়া, হাৰিয়ানা চৰকাৰৰ তিনিজন ৰাজহুৱা কৰ্মচাৰী, দুটা কোম্পানী, আৰু ছয়জন ব্যক্তিগত ব্যক্তি।

কেন্দ্ৰীয় শাসিত অঞ্চল চণ্ডীগড়ৰ সৈতে জড়িত আন দুটা গোচৰৰ তদন্তৰ দায়িত্বও চিবিআইয়ে গ্ৰহণ কৰিছে। এটা চণ্ডীগড় স্মাৰ্ট চিটি লিমিটেড আৰু চণ্ডীগড় পৌৰ নিগমৰ সৈতে জড়িত, আনটো চণ্ডীগড় নবীকৰণযোগ্য শক্তি আৰু বিজ্ঞান আৰু প্ৰযুক্তি প্ৰসাৰ সমিতি (চিআৰইএছটি)ৰ সৈতে জড়িত।

চি এছ চি এলৰ গোচৰত চি বি আইয়ে বেংকৰ পাঁচজন বিষয়া, চি এছ চি এলৰ এজন বিষয়া আৰু এজন ব্যক্তিগত ব্যক্তিৰ বিৰুদ্ধে অভিযোগনামা দাখিল কৰিছে। চিআৰইএছটি গোচৰত পাঁচজন বেংক বিষয়া, দুজন চিআৰইএছটি বিষয়া, চাৰিজন ব্যক্তিগত ব্যক্তি, আৰু দুটা কোম্পানীৰ বিৰুদ্ধে অভিযোগনামা দাখিল কৰা হৈছে।

-----------------

হিন্দুস্থান সমাচাৰ / অৰৱিন্দ