- ভূমি পুলিং আঁচনি আৰু সাৰ আৰু ইন্ধনৰ দামক লৈও প্ৰতিবাদ সাব্যস্ত

চণ্ডীগড়, ২২ জুলাই (হি.স.)। সমযুক্ত কিষাণ মৰ্চাৰ আহ্বানৰ পিছতে বুধবাৰে সমগ্ৰ পঞ্জাৱৰ কৃষকসকলে প্ৰস্তাৱিত ভাৰত-আমেৰিকা মুক্ত বাণিজ্য চুক্তি (এফটিএ), পঞ্জাৱ চৰকাৰৰ ভূমি পুলিং আঁচনি, আৰু অন্যান্য বাকী থকা দাবীৰ বিৰুদ্ধে প্ৰতিবাদ সাব্যস্ত কৰে । এই সময়ছোৱাত ৰাজ্যৰ কেইবাটাও টোল প্লাজা দুপৰীয়া ১২ বজাৰ পৰা বিয়লি ৩ বজালৈ টোল ফ্ৰী ৰখা হৈছিল, যাৰ ফলত টোল মাচুল নিদিয়াকৈ যান-বাহন পাৰ হ’ব পাৰে। বাথিণ্ডা জিলাৰ জিডা, লেহৰা বেগা, বলুৱানা, জাছি বাগৱালী, আৰু শ্বেখপুৰাৰ টোল প্লাজাত বৃহৎ সংখ্যক কৃষক আৰু মহিলা কৃষক সমবেত হয়।

প্ৰতিবাদকাৰীসকলে কেন্দ্ৰীয় চৰকাৰৰ বিৰুদ্ধে শ্লোগান দি প্ৰস্তাৱিত ভাৰত-আমেৰিকা এফ টি এ বাতিল কৰা, ইউৰিয়া আৰু ডি এ পি সাৰৰ পৰ্যাপ্ত যোগান নিশ্চিত কৰা, পেট্ৰ’ল, ডিজেল, ৰন্ধন গেছৰ বৰ্ধিত মূল্য পিছুৱাই দিয়াৰ দাবী উত্থাপন কৰে। লুধিয়ানাৰ লাদোৱাল, গুল্লাল, চৌকিমান টোল প্লাজাও তিনি ঘণ্টা ধৰি টোল ফ্ৰী কৰি ৰখা হৈছিল। কৃষক নেতাসকলে অভিযোগ কৰে যে কেন্দ্ৰীয় চৰকাৰে কৰ্পৰেট সমৰ্থক নীতি ৰূপায়ণ কৰি কৃষক, শ্ৰমিক, কৰ্মচাৰীৰ দাবীক আওকাণ কৰিছে। প্ৰতিবাদৰ সময়ত একাংশ টোল প্লাজাত ইণ্টাৰনেট সেৱা বন্ধ কৰি দিয়া হয়, লগতে পাৰ হৈ যোৱা চালকৰ মোবাইল নম্বৰো লিপিবদ্ধ কৰা হয় ।

কৃষকসকলে উল্লেখ কৰে যে পিছত যদি কোনো বাহনৰ টোল স্বয়ংক্ৰিয়ভাৱে কৰ্তন কৰা হয় তেন্তে ইয়াক ৰোধৰ বাবে ব্যৱস্থা গ্ৰহণ কৰা হ’ব। পাঠানকোট-অমৃতসৰ পথৰ লাডপালৱান টোল প্লাজাতো কৃষকসকলে ধৰ্ণা কাৰ্যসূচী ৰূপায়ণ কৰি যান-বাহন বিনামূলীয়াকৈ পাৰ হ’ব পাৰে। সম্যুক্ত কিষাণ মৰ্চাৰ মাঝা মুৰব্বী বলৱিন্দৰ সিঙে কয় যে যদি কোনো বাহনৰ টোল ফাষ্টগৰ জৰিয়তে কৰ্তন কৰা হয় তেন্তে সংশ্লিষ্ট ব্যক্তিয়ে মৰ্চাৰ সৈতে যোগাযোগ কৰিব লাগে। এনে পৰিস্থিতিত আন্দোলন তীব্ৰতৰ হ’ব বুলি তেওঁ সকীয়াই দিয়ে। কৃষক নেতাসকলে কয় যে ভাৰত-আমেৰিকা এফ টি এৰ ফলত পঞ্জাৱৰ কৃষি আৰু দুগ্ধ খণ্ডৰ বৃহৎ লোকচান হ’ব পাৰে। কেন্দ্রীয় চৰকাৰে চুক্তিখনৰ চর্তসমূহ ৰাজহুৱা কৰা নাই বুলি অভিযোগ উত্থাপন কৰে৷ পঞ্জাৱ চৰকাৰৰ ভূমি পুলিং আঁচনিৰ বিৰোধিতা কৰি কৃষকসকলেও বিৰোধিতা কৰি কয় যে তেওঁলোকে কোনো মূল্যৰ বিনিময়ত নিজৰ উৰ্বৰ মাটি চৰকাৰক এৰি নিদিয়ে ।

দিল্লীত এনইইটি আৰু অন্যান্য প্ৰতিযোগিতামূলক পৰীক্ষাৰ সৈতে জড়িত কাগজ ফাদিল আৰু প্ৰতিবাদকাৰী ছাত্ৰ-ছাত্ৰীৰ ওপৰত আৰক্ষীৰ লাঠিচাৰ্জক গৰিহণা দিয়ে। কৃষক নেতাসকলে উল্লেখ কৰে যে যদিহে কেন্দ্ৰ আৰু পঞ্জাৱ চৰকাৰে তেওঁলোকৰ দাবীসমূহ গুৰুত্বসহকাৰে বিবেচনা নকৰে তেন্তে অনাগত দিনত প্ৰতিবাদ তীব্ৰতৰ হ’ব। ৰাজ্যজুৰি আৰক্ষী আৰু প্ৰশাসনে বিশদ নিৰাপত্তাৰ ব্যৱস্থা কৰিছে। বেছিভাগ স্থানতে প্ৰতিবাদ শান্তিপূৰ্ণ হৈ থাকিল, আৰু কোনো ডাঙৰ কাণ্ডৰ খবৰ পোৱা নগ’ল।

-----------------

হিন্দুস্থান সমাচাৰ / অৰৱিন্দ