নতুন দিল্লী, ২২ জুলাই (হি.স.)। সংসদ ভৱনত বুধবাৰে প্ৰধানমন্ত্ৰী নৰেন্দ্ৰ মোদীৰ সৈতে জাতীয়তাবাদী কংগ্ৰেছ পাৰ্টিৰ (এনচিপি) সভাপতি শাৰদ পাৱাৰ আৰু লোকসভাৰ সদস্য সুপ্ৰিয়া ছুলে সাক্ষাৎ কৰে।

প্ৰধানমন্ত্ৰীৰ কাৰ্যালয়ে ছ’চিয়েল মিডিয়া প্লেটফৰ্ম ‘এক্স’ত এই বৈঠকৰ ফটো শ্বেয়াৰ কৰি উল্লেখ কৰে যে পাৱাৰ আৰু ছুলেই দিনটোত সংসদ কমপ্লেক্সত প্ৰধানমন্ত্ৰী মোদীৰ সৈতে সাক্ষাৎ কৰে। অৱশ্যে বৈঠকত আলোচনা কৰা বিষয়সমূহৰ সন্দৰ্ভত কোনো আনুষ্ঠানিক তথ্য প্ৰকাশ কৰা হোৱা নাই।

উল্লেখযোগ্য যে ইয়াৰ পূৰ্বে মঙলবাৰে এনইইটি কাকত ফাদিলৰ বিৰুদ্ধে ককৰোচ জনতা পাৰ্টিৰ যন্তৰ মন্তৰত চলি থকা প্ৰতিবাদত যোগদান কৰে শাৰদ পাৱাৰ আৰু তেওঁৰ কন্যা সুপ্ৰিয়া ছুলে। কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীক সমৰ্থন জনাইছে দলটোৱে।

-----------

হিন্দুস্থান সমাচাৰ / অৰৱিন্দ