নতুন দিল্লী, ২২ জুলাই (হি.স.)। ভাৰতীয় জনতা পাৰ্টিৰ সাংসদ বাঁসুৰী স্বৰাজে ককৰোচ জনতা পাৰ্টিৰ আন্দোলন সন্দৰ্ভত কয় যে চৰকাৰে সমগ্ৰ আন্দোলনটোত স্পৰ্শকাতৰ পন্থা গ্ৰহণ কৰিছিল আৰু শান্তিপূৰ্ণ প্ৰতিবাদত কোনো ধৰণৰ হস্তক্ষেপ কৰা নাছিল। দেশত চৰকাৰৰ বিৰুদ্ধে ভুল তথ্য প্ৰচাৰৰ চেষ্টা চলোৱা হৈছে। দেশৰ যুৱক-যুৱতীসকল অৰাজকতাৰ আহিলা নহয়, বৰঞ্চ ভাৰতৰ ৰাষ্ট্ৰ-নিৰ্মাতা বুলিও কয়।

বুধবাৰে বিজেপিৰ মুখ্য কাৰ্যালয়ত অনুষ্ঠিত এক সংবাদমেলত বাঁসুৰী স্বৰাজে কয় যে দিল্লী আৰক্ষীয়ে আন্দোলনৰ আহ্বায়ক অভিজীত দীপকেক বিমানবন্দৰত প্ৰতিবাদ সাব্যস্ত কৰাৰ অনুমতি প্ৰদান কৰিছিল, তাৰ পিছত প্ৰতিবাদকাৰীসকলে যন্তৰ মন্তৰত ২১ দিন ধৰ্ণা কাৰ্যসূচীত বহিছিল। প্ৰতিবাদ শান্তিপূৰ্ণ হৈ থকালৈকে তেওঁলোকক আঁতৰাই দিয়া নাছিল।

বাঁসুৰী স্বৰাজে কয় যে ২০ জুলাইত প্ৰতিবাদকাৰীয়ে সংসদ চলো আহ্বান কৰি অনুমতি অবিহনে সংসদ ঘেৰাও কৰাৰ চেষ্টা কৰিছিল। ইয়াৰ পিছতো দিল্লী আৰক্ষীয়ে সংযম কৰি পৰিস্থিতি নিয়ন্ত্ৰণৰ চেষ্টা চলাইছিল। তেওঁ কয় যে গণতন্ত্ৰত সংসদৰ দৰে প্ৰতিষ্ঠানৰ প্ৰতি সন্মান সৰ্বোচ্চ ।

বিজেপি সাংসদগৰাকীয়ে দাবী কৰে যে কেন্দ্ৰীয় চৰকাৰ আৰম্ভণিৰে পৰাই প্ৰতিবাদকাৰীৰ সৈতে আলোচনা কৰিবলৈ সাজু আছিল। তেওঁ কয় যে যেতিয়া প্ৰতিবাদকাৰীসকলে কেন্দ্ৰীয় স্বাস্থ্যমন্ত্ৰী জে পি নড্ডাৰ সৈতে সাক্ষাৎ কৰিছিল তেতিয়া তেওঁলোকৰ হাতত দাবীৰ লিখিত তালিকা নাছিল। নড্ডাই তেওঁলোকক লিখিতভাৱে দাবী দাখিল কৰিবলৈ কয়, তাৰ পিছত তালিকা প্ৰস্তুত কৰিবলৈ প্ৰায় ডেৰ-দুই ঘণ্টা সময় লাগিছিল। আলোচনাৰ জৰিয়তে সমাধানৰ বাবে সকলো প্ৰচেষ্টা চলোৱা হ’ব বুলি বৈঠকত স্পষ্ট কৰি দিয়াৰ লগতে প্ৰতিবাদৰ অন্ত পেলাবলৈও আহ্বান জনাইছে। সেই সময়ত প্ৰতিবাদকাৰীসকলে প্ৰতিবাদৰ অন্ত পেলোৱাৰ আশ্বাস দিছিল যদিও পিছত প্ৰতিবাদৰ প্ৰতিশ্ৰুতিৰে পিছুৱাই যায়।

প্ৰতিবাদৰ সময়ত চৰকাৰে বিভ্ৰান্তিকৰ দাবী কৰা বুলিও অভিযোগ উত্থাপন কৰে বনসুৰী স্বৰাজে। বহু অভিযোগ উত্থাপন কৰা হৈছিল যিবোৰৰ বাস্তৱত কোনো ভিত্তি নাছিল বুলিও সাংসদ বাঁসুৰীয়ে উল্লেখ কৰে। এগৰাকী ১২ বছৰীয়া কিশোৰীক আঘাত কৰা বুলিও মিছা বুলি নাকচ কৰি এনে বাতৰি বিভ্ৰান্তিৰ প্ৰয়াস বুলিও ব্যক্ত কৰে।

যোৱা তিনিমাহত এন টি এয়ে ৰাষ্ট্ৰীয় পৰ্যায়ৰ তিনিটা পৰীক্ষা সফলতাৰে অনুষ্ঠিত কৰিছে: জে ই ই, চি ইউ ই টি আৰু নীট। গতিকে দেশৰ শিক্ষা ব্যৱস্থা, বিশেষকৈ পৰীক্ষা ব্যৱস্থা সম্পূৰ্ণৰূপে ভাঙি গৈছে বুলি কোৱাটো এটা গোকাট মিছা আৰু বিভ্ৰান্তি বিয়পোৱাৰ প্ৰয়াস।

হিন্দুস্থান সমাচাৰ / মনোজ কুমাৰ শইকীয়া