নতুন দিল্লী, ২০ জুলাই (হি.স.)। সংসদৰ বৰ্ষাকালিন অধিৱেশনৰ প্ৰথম দিনাই বিৰোধীৰ অব্যাহত থকা হুলস্থুলৰ বাবে পুনৰ আৰম্ভ হোৱাৰ পিছতো লোকসভা আৰু ৰাজ্যসভাৰ কাৰ্য্যবিধি ব্যাহত হৈ পৰে। অৱশেষত দুয়োটা সদন ৃ ১২:৩০ বজালৈ স্থগিত ৰখা হয়।
লোকসভাৰ কাম-কাজ পুনৰ আৰম্ভ হোৱাৰ লগে লগে অধ্যক্ষ দিলীপ শইকীয়াই সদনত অৱগত কৰে যে অধ্যক্ষই কোনো ধৰণৰ স্থগিত ৰখাৰ প্ৰস্তাৱত অনুমোদন জনোৱা নাই। ইয়াৰ পিছত প্ৰশ্নৰ ঘণ্টা আৰম্ভ হ’ল, আৰু সংশ্লিষ্ট কেন্দ্ৰীয় মন্ত্ৰীসকলে তালিকাভুক্ত প্ৰশ্নসমূহৰ উত্তৰ দাখিল কৰে।
এই সময়ছোৱাত বিৰোধী সদস্যসকলে শ্লোগান দি হুলস্থুলৰ সৃষ্টি কৰি থাকিল। বিৰোধী সদস্যসকলক নিজৰ আসনত থাকিবলৈ আৰু সদন সুচাৰুৰূপে চলিবলৈ দিবলৈ বাৰে বাৰে আহ্বান জনাইছিল সভাপতি বিষয়া দিলীপ শইকীয়াই। তেওঁ কয় যে শ্লোগানে সদনত ব্যাঘাত জন্মাব নোৱাৰে আৰু সকলো সদস্যই সহযোগিতা আগবঢ়াব লাগে। ইয়াৰ পিছতো যেতিয়া হুলস্থুল অব্যাহত থাকে তেতিয়া তেওঁ লোকসভা দিনৰ ১২:৩০ বজালৈ স্থগিত ৰাখে।
ইফালে ৰাজ্যসভাত কাৰ্য্যবিধি আৰম্ভ হোৱাৰ লগে লগে অধ্যক্ষ চি পি ৰাধাকৃষ্ণনে কাৰ্য্যসূচী আগবঢ়াই নিয়াৰ চেষ্টা কৰে যদিও বিৰোধীৰ অবিৰত হুলস্থুলৰ বাবে কিছু মিনিটৰ ভিতৰতে দিনৰ ১২:৩০ বজালৈ কাৰ্য্যবিধি স্থগিত ৰাখিব লগা হয়।
-----------------
হিন্দুস্থান সমাচাৰ / অৰৱিন্দ
21 Jul 2026
