কামৰূপ, ২০ জুলাই (হি.স.)। হাইদৰাবাদৰ পৰা অসমলৈ ৰেলযোগে মহ সৰবৰাহ । পশু আইন উলংঘা কৰি ট্ৰাকত ২৫ টা মহক নিৰ্যাতন। অতি নিষ্ঠুৰভাবে কৰা সৰবৰাহৰ ঘটনাই লজ্বানত কৰিছে সভ্য মানুহক । হাইদৰাবাদৰ পৰা ৰেলযোগে মহ সৰবৰাহ কৰি ৰঙিয়া ৰেল ষ্টেচনত নমাই, তাৰ পৰা নাগালেণ্ডলৈ ট্ৰাকযোগে ৫০ টা মহ প্ৰেৰণ কৰিবলৈ যো যা কৰোতেই ৰঙিয়া আৰক্ষীয়ে চাৰিজন লোকক আটক কৰে । লোক কেইজন হৈছে ৰঙিয়াৰ চাদ্দাম হুছেইন ,নগাওৰ মজনুৰ ইছলাম ,ইউ পিৰ বাৰেলিৰ ৰেহমতখান আৰু চাকিল খান ।
পশু কল্যাণ আইন সম্পূৰ্ণ উলংঘা কৰি দুখন অতি ঠেক ট্ৰাকত ২৫ টাকৈ মহ ঠেচি ঠেচি লৈ যোৱাৰ এই চক্ৰান্তৰ মূল নায়ক হৈছে হাইদৰাবাদৰ মুছিৰাবাদৰ চাজিদ হুছেইন । তেওঁৰ নিৰ্দেশত মহবোৰ ৰেলত লৈ অহা হৈছিল আৰু ৰঙিয়াত নমাই দিয়া হৈছিল । তাৰ পিছত নাগালেণ্ডৰ মগুকাই আৱামিকৰ হাতত জিম্মাত দিয়াৰ কথা এই মহবোৰ ।
অবৈধভাৱে ব্যৱহাৰ কৰা দুখন ট্ৰাকৰ নম্বৰ এএছ ০২ডিচি ৬৯৫৩ আৰু এআৰ ০১পি ৯৬৯২ । দুখন ট্ৰাকতে পশু পৰিবহণৰ নিয়ম সম্পূৰ্ণ অৱজ্ঞা কৰি অতি নিৰ্মমভাৱে মহবোৰক ঠেচি ভৰোৱা হৈছে । কোনো ধৰণৰ বৈধ নথি-পত্ৰ আছে নে নাই, সেইটো বৰ্তমানলৈকে স্পষ্ট হোৱা নাই । সম্ভৱতঃ সম্পূৰ্ণ অবৈধভাৱে এই সৰবৰাহ চলোৱা হৈছে । স্থানীয় লোক আৰু পশু প্ৰেমী সকলে তীব্ৰ ক্ষোভ প্ৰকাশ কৰিছে । প্ৰশাসন আৰু আৰক্ষীয়ে অতি শীঘ্ৰে এই চক্ৰান্তৰ বিৰুদ্ধে তদন্ত কৰি জড়িত সকলক গ্ৰেপ্তাৰ কৰি কঠোৰ শাস্তি প্ৰদান কৰাৰ দাবী উৎত্থাপিত হৈছে ।
হিন্দুস্থান সমাচাৰ / প্ৰকাশ ডেকা
