মেলবৰ্ণ, ০২ জুলাই (হি.স.)। ক্ৰিকেট অষ্ট্ৰেলিয়াই বৃহস্পতিবাৰে মহিলা বিগ বেছ লীগ (ডব্লিউ বি বি এল) ২০২৬-২৭ৰ সূচী প্ৰকাশ কৰে । ২৯ অক্টোবৰৰ পৰা মেলবৰ্ণৰ জংচন অ’ভেলত ডাবল হেডাৰেৰে আৰম্ভ হ’ব এই প্ৰতিযোগিতা।

এই দ্বাদশ ছিজনত ৩৮ দিনত মুঠ ৪৩খন খেল অনুষ্ঠিত হ’ব । দৰ্শকৰ অংশগ্ৰহণ বৃদ্ধিৰ প্ৰয়াসত বৃহস্পতিবাৰৰ পৰা দেওবাৰৰ ভিতৰত অধিক মেচৰ দিন ধাৰ্য কৰা হৈছে ।

প্ৰথমবাৰৰ বাবে ফ্লাডলাইটৰ তলত অনুষ্ঠিত হ’ব টি-২০ মেচ

প্ৰথমবাৰৰ বাবে জংচন অ’ভেলত ফ্লাডলাইটৰ তলত অনুষ্ঠিত হ’ব টি-২০ মেচ । ষ্টেডিয়ামখনত লাইট স্থাপনৰ কাম যোৱা বছৰৰ ডিচেম্বৰৰ পৰা আৰম্ভ হৈছিল আৰু ২০২৬ চনৰ আগষ্ট মাহৰ ভিতৰত সম্পূৰ্ণ হোৱাৰ কথা ।

১৪ টা ডাবল-হেডাৰ মেচ

সমগ্ৰ প্ৰতিযোগিতাখনত চৈধ্যখন ডাবল হেডাৰ মেচ অনুষ্ঠিত হ’ব । ২৮ নৱেম্বৰত লীগ পৰ্যায়ৰ অন্তিম ৰাউণ্ডত মেলবৰ্ণ ডাৰ্বি আৰু ছিডনী স্মেছৰ দৰে ডাঙৰ ডাঙৰ মেচ অনুষ্ঠিত হ’ব । হেল’ৱিন আৰু মেলবৰ্ণ কাপৰ পূৰ্বেও বিশেষ খেল অনুষ্ঠিত হ’ব ।

নকআউট পৰ্যায়ৰ সময়সূচী

নকআউট মেচ: ১ ডিচেম্বৰ (তৃতীয় আৰু চতুৰ্থ স্থানৰ দলৰ মাজত)

চেলেঞ্জাৰ মেচ: নকআউট বিজয়ী বনাম দ্বিতীয় স্থানৰ দল

ইয়াৰ পিছতে খেলা হ’ব ফাইনেল ।

বিদেশত উদ্বোধনী ছিজন অনুষ্ঠিত কৰাৰ কোনো পৰিকল্পনা নাই

ক্ৰিকেট অষ্ট্ৰেলিয়াৰ কাৰ্যবাহী মহাপ্ৰবন্ধক (বিগ বেছ লীগ) এলিষ্টাৰ ডবছনে স্পষ্ট কৰি দিয়ে যে অষ্ট্ৰেলিয়াৰ বাহিৰত ডব্লিউ বি বি এলৰ উদ্বোধনী ছিজন অনুষ্ঠিত কৰাটো বৰ্তমান বিবেচনাধীন নহয়।

সংবাদমেলত তেওঁ কয় যে ডব্লিউ বি বি এল হৈছে বিশ্বৰ শ্ৰেষ্ঠ মহিলা টি-২০ লীগ, আৰু সঠিক স্থানত মেচ আয়োজন কৰি ইয়াক বিকশিত কৰাটো আমাৰ অগ্ৰাধিকাৰ। মন কৰিবলগীয়া যে ২০২৬ চনৰ ডিচেম্বৰ মাহত ভাৰতৰ চেন্নাইত উদ্বোধনী বিগ বেছ লীগ (বিবিএল) অনুষ্ঠিত হোৱাৰ সম্ভাৱনা আছে।

হোবাৰ্ট হাৰিকেনছ, ডিফেণ্ডিং চেম্পিয়ন

যোৱা ছিজনত হোবাৰ্ট হাৰিকনে প্ৰথমবাৰৰ বাবে ডব্লিউ বি বি এলৰ খিতাপ দখল কৰিছিল। ইফালে ব্রিজবেন হিটে নিৰাশাজনক প্রদর্শন দেখুৱাই ১০খন মেচত এখনো মেচত জয়ী হ’ব নোৱাৰিলে ৷

--------------

হিন্দুস্থান সমাচাৰ / অৰৱিন্দ