নতুন দিল্লী, ০২ জুলাই (হি.স.)। নিৰ্বাচন আয়োগে বৃহস্পতিবাৰে তিনিখন ৰাজ্যৰ তিনিখন বিধানসভা আসনৰ উপ-নিৰ্বাচন ঘোষণা কৰে। বিহাৰৰ বাংকিপুৰ, মধ্যপ্ৰদেশৰ দতিয়া আৰু গুজৰাটৰ মঞ্জলপুৰ আসন কেইখন বৰ্তমান বিভিন্ন কাৰণত খালী হৈ আছিল।

নিৰ্বাচন আয়োগে প্ৰদান কৰা তথ্য অনুসৰি বিজেপিৰ সভাপতি নীতিন নৱিনৰ পদত্যাগৰ বাবেই বাংকীপুৰৰ আসনখন খালী হৈ পৰে। বিধায়ক ৰাজেন্দ্ৰ ভাটীৰ অযোগ্য ঘোষণাৰ বাবে দতিয়াৰ আসন খালী হৈ পৰে আৰু যোগেশ পেটেলৰ মৃত্যুৰ বাবে মঞ্জলপুৰৰ আসন খালী হৈ পৰে।

অহা ৩০ জুলাইত তিনিওখন আসনৰ ভোটগ্ৰহণ অনুষ্ঠিত হ’ব। আনহাতে ৩ আগষ্টত ফলাফল ঘোষণা কৰা হ’ব। এই সন্দৰ্ভত ৬ জুলাইত নিৰ্বাচনী অধিসূচনা জাৰি কৰা হ’ব।

--------------

হিন্দুস্থান সমাচাৰ / অৰৱিন্দ