নতুন দিল্লী, ১৬ জুলাই (হি.স.)। স্থাৱৰ সম্পত্তি, ছিকিউৰিটিজ, আৰু গহনা বিক্ৰীৰ দীৰ্ঘম্যাদী মূলধনী লাভ গণনাৰ বাবে আয়কৰ বিভাগে চলিত বিত্তীয় বৰ্ষ ২০২৬-২৭ৰ বাবে ব্যয় মুদ্ৰাস্ফীতি সূচকাংক (চিআইআই) বৃদ্ধি কৰিছে।
কেন্দ্ৰীয় প্ৰত্যক্ষ কৰ ব’ৰ্ডৰ (চিবিডিটি) এক অধিসূচনা অনুসৰি ২০২৬-২৭ বিত্তীয় বৰ্ষৰ খৰচ মুদ্ৰাস্ফীতি সূচকাংক (চিআইআই) ৩৮৪ হিচাপে নিৰ্ধাৰণ কৰা হৈছে।এই সূচকাংক পূৰ্বৰ বিত্তীয় বৰ্ষ ২০২৫-২৬ৰ বাবে আছিল ৩৭৬ । বিভাগটোৰ মতে, আয়কৰ আইন, ১৯৬১ৰ অধীনত প্ৰতিটো বিত্তীয় বৰ্ষৰ বাবে খৰচ মুদ্ৰাস্ফীতি সূচকাংক (চিআইআই) অধিসূচনা জাৰি কৰা হয় । মূলধনী সম্পত্তি বিক্ৰীৰ মূলধনী লাভ গণনা কৰাৰ সময়ত ইয়াৰ দ্বাৰা অধিগ্ৰহণৰ সূচকাংকিত ব্যয় (আইচিএ) নিৰ্ণয় কৰা হয়।
সাধাৰণতে, এটা সম্পত্তি দীৰ্ঘম্যাদী মূলধনী সম্পত্তি হিচাপে যোগ্যতা অৰ্জন কৰিবলৈ ৩৬ মাহতকৈ অধিক সময় ধৰি ৰাখিব লাগিব। কিন্তু এই সময়সীমা ৰিয়েল এষ্টেট আৰু তালিকাভুক্ত নোহোৱা শ্বেয়াৰৰ বাবে ২৪ মাহ, আৰু তালিকাভুক্ত ছিকিউৰিটিৰ বাবে ১২ মাহ ।
-----------------
হিন্দুস্থান সমাচাৰ / অৰৱিন্দ
