নতুন দিল্লী, ১৩ জুলাই (হি.স.)। খাদ্যৰ মূল্য বৃদ্ধিৰ বাবে দেশত খুচুৰা মুদ্ৰাস্ফীতিৰ হাৰ মে’ মাহত ৩.৯৩ শতাংশ হোৱাৰ বিপৰীতে জুন মাহত ৪.৩৮ শতাংশলৈ জপিয়াই পৰে। খুচুৰা মুদ্ৰাস্ফীতিৰ এই বৃদ্ধিৰ মূল কাৰণ হৈছে খাদ্যৰ মূল্য বৃদ্ধি।
তথ্য অনুসৰি চিপিআইৰ ভিত্তিত খাদ্যৰ মুদ্ৰাস্ফীতিৰ পৰিমাণ জুন মাহত ৫.৩২ শতাংশ আছিল, যিটো মে’ মাহত ৪.৭৮ শতাংশ আছিল। খাদ্যৰ এই মূল্যবৃদ্ধিয়ে মূল মুদ্ৰাস্ফীতিৰ হাৰ (মুদ্ৰাস্ফীতি)ৰ ওপৰত হেঁচা প্ৰয়োগ কৰিছে। তথ্য অনুসৰি শাক-পাচলি বিশেষকৈ আদা আৰু টমেটোৰ দাম তীব্ৰভাৱে বৃদ্ধি পোৱাৰ ফলত সাধাৰণ মানুহৰ পাকঘৰৰ বাজেটত প্ৰভাৱ পৰিছে। ৰাষ্ট্ৰীয় পৰিসংখ্যা কাৰ্যালয়ৰ তথ্য অনুসৰি চহৰতকৈ গ্ৰামাঞ্চলত মুদ্ৰাস্ফীতিৰ প্ৰভাৱ অধিক হৈছে। জুন মাহত গ্ৰামাঞ্চলত মুদ্ৰাস্ফীতিৰ হাৰ ৪.৭৪ শতাংশ হোৱাৰ বিপৰীতে চহৰ অঞ্চলত ৩.৯২ শতাংশ।
দুই শতাংশৰ ব্যৱধানত খুচুৰা মুদ্ৰাস্ফীতিৰ হাৰ চাৰি শতাংশত ৰখাৰ দায়িত্ব ভাৰতীয় ৰিজাৰ্ভ বেংকক অৰ্পণ কৰিছে।
-----------------
হিন্দুস্থান সমাচাৰ / অৰৱিন্দ
14 Jul 2026
