গোলাঘাট, ১৩ জুলাই (হি.স.)। পুৱতি নিশা বোকাখাত আৰক্ষী থানালৈ নিয়া হয় দেওবাৰে গুৱাহাটীত গ্ৰেপ্তাৰ কৰা বোকাখাতৰ যুৱ নেতা প্ৰণৱ দলে সহ আন দুজনক ৷ সোমবাৰে পুৱাই বোকাখাত চিকিৎসালয়ত স্বাস্থ্য পৰীক্ষা কৰোৱাৰ পিছতে বোকাখাত মহকুমা ন্যায়িক আদালতত হাজিৰ কৰোৱা হয় ৷ বোকাখাতৰ অলিয়ে গলিয়ে এতিয়া অসম আৰক্ষীৰ বিৰাট তহল ৷

জনতাৰ হৈ মাত মতা যুৱ নেতা প্ৰণৱ দলেক বিনাচৰ্তে মুক্তিৰ দাবী জনালে প্ৰণৱ দলেৰ সমৰ্থকে ৷ জনতাৰ কন্ঠ ৰোধ কৰি কৃষকৰ ভূমি অবৈধভাৱে অধিগ্ৰহণ কৰি পঞ্চতাৰকাযুক্ত হায়াট হোটেল নিৰ্মাণ কৰিবলৈ দিয়া নহ'ব বুলি হুংকাৰো দিয়ে ৷ জাতি, মাটি ভেটি ৰক্ষাৰ কথা কোৱা চৰকাৰ খনে সাধাৰণ জনতাক বাকৰূদ্ধ কৰিব খোজা নীতিক কোনো কাৰণতে মানি লোৱা নহ'ব বুলি হুংকাৰ দিয়ে ৷

হিন্দুস্থান সমাচাৰ / প্ৰকাশ ডেকা