নতুন দিল্লী, ১৩ জুলাই (হি.স.)। মধ্যপ্ৰদেশৰ উজ্জয়িনী জিলাৰ নলা-নৰ্দমা পৰিস্কাৰ কৰি থকা অৱস্থাত বিষাক্ত গেছৰ ফলত এজন শ্ৰমিকৰ মৃত্যু আৰু দুজন লোক আহত হোৱাৰ কথা ৰাষ্ট্ৰীয় মানৱ অধিকাৰ আয়োগে ছুও মোটু গগনিজেচন লৈছে। আয়োগে ৰাজ্যৰ মুখ্য সচিব আৰু উজ্জয়িনী অধীক্ষকলৈ জাননী জাৰি কৰি দুসপ্তাহৰ ভিতৰত বিশদ প্ৰতিবেদন বিচাৰিছে।

প্ৰকাশিত বাতৰি অনুসৰি, উজ্জয়িনীৰ ভৈৰৱগধ পথৰ পিপলি নাকাৰ সমীপৰ এটা নলা-নৰ্দমা পৰিস্কাৰ কৰি থকা অৱস্থাত বিষাক্ত গেছ শ্বাস-প্ৰশ্বাস লোৱাত ৭ জুলাইত তিনিজন শ্ৰমিক আহত হৈছিল। ইয়াৰ পিছতে কাষৰ চিকিৎসালয়ত ভৰ্তি কৰোৱা হয় যদিও চিকিৎসাৰ সময়ত এজন শ্ৰমিকৰ মৃত্যু হোৱাৰ বিপৰীতে আন দুজন শ্ৰমিক চিকিৎসাধীন হৈ আছে।

আয়োগে প্ৰতিবেদনত তদন্তৰ অৱস্থাৰ লগতে মৃত শ্ৰমিক আৰু আহতসকলৰ পৰিয়ালক প্ৰদান কৰা ক্ষতিপূৰণৰ সবিশেষ (যদি আছে) অন্তৰ্ভুক্ত কৰিবলৈ নিৰ্দেশ দিছে।

হিন্দুস্থান সমাচাৰ / অৰৱিন্দ