ডিব্ৰুগড়, ১২ জুলাই (হি.স.)। মৰাণৰ খোৱাঙত বনৰীয়া ম'হৰ আক্ৰমণত দুজন লোক আহত । বনৰীয়া ম'হটোৰ আক্ৰমণত গুৰুতৰ ভাৱে আহত হয় খোৱাং নহাজাৰ ন-গাঁৱৰ ভৰত শইকীয়া আৰু শৰৎ শইকীয়া । আহত দুয়োকে ততাতৈয়াকৈ তিলৈৰ সামূহিক চিকিৎসালয়ত ভৰ্তি কৰোৱা হয় যদিও যখম গুৰুতৰ হোৱাত দুয়োকে উন্নত চিকিৎসাৰ বাবে ডিব্ৰুগড় এএমচিএইছ লৈ প্ৰেৰণ কৰা হয় ।

পথাৰত ধান ৰোপন কৰি থকা ৰোৱনীক বনৰীয়া ম'হ ওলাইছে বুলি সতৰ্ক কৰি দিবলৈ বুলি গৈছিল দুয়োজন । আনহাতে বনৰীয়া ম'হ খেদিবলৈ বনকৰ্মীয়ে ৭ জাঁইকৈ শূণ্যলৈ গুলী ফুটুৱাব লগা হয় । ম'হটো বৰ্তমান পথাৰৰ মাজতে আশ্ৰয় লোৱাত শংকিত হৈ পৰিছে ৰাইজ ।

হিন্দুস্থান সমাচাৰ / নিৰ্মলেন্দু