নতুন দিল্লী, ১২ জুলাই (হি.স.)। উপ-ৰাষ্ট্ৰপতি চি.পি. ৰাধাকৃষ্ণনে দেওবাৰে দ্বাৰকাৰ মন্নম আন্তঃৰাষ্ট্ৰীয় কেন্দ্ৰত সমাজ সংস্কাৰক তথা স্বাধীনতা সংগ্ৰামী মন্নথু পদ্মনাভনৰ প্ৰতিমূৰ্তি উন্মোচন কৰাৰ লগতে ‘মন্নম স্মৃতি মণ্ডপম’ উদ্বোধন কৰে।

উপ-ৰাষ্ট্ৰপতি সচিবালয়ৰ মতে, নাইৰ চাৰ্ভিচ ছ’চাইটিয়ে (এন এছ এছ) আয়োজন কৰা অনুষ্ঠানত ভাষণ দি উপ-ৰাষ্ট্ৰপতিগৰাকীয়ে এই অনুষ্ঠানক আধুনিক ভাৰতৰ অন্যতম মহান সমাজ সংস্কাৰক আৰু জাতি-নিৰ্মাতাসকলৰ উত্তৰাধিকাৰৰ ঐতিহাসিক উদযাপন বুলি অভিহিত কৰে। তেওঁ কয় যে এই স্মৃতিসৌধ কেৱল এটা গাঁথনি নহয় বৰঞ্চ এক স্থায়ী উত্তৰাধিকাৰ আৰু এজন দূৰদৰ্শী নেতাৰ প্ৰতি এক জীৱন্ত শ্ৰদ্ধাঞ্জলি, যাৰ আদৰ্শই ৰাষ্ট্ৰ, অঞ্চল, ধৰ্মক অতিক্ৰম কৰি সামাজিক ন্যায়, সমতা, আৰু জাতীয় সেৱাৰ পথ প্ৰশস্ত কৰে।

মন্নাথু পদ্মনাভনৰ জীৱন আৰু অৱদানৰ কথা সোঁৱৰাই উপ-ৰাষ্ট্ৰপতিগৰাকীয়ে কয় যে তেওঁ শিক্ষা, সমাজ সংস্কাৰ, আত্মনিৰ্ভৰশীলতা, আৰু সমাজ সেৱাৰ জৰিয়তে সমাজৰ উত্থানৰ বাবে নিজৰ জীৱন উৎসৰ্গা কৰিছিল। পদ্মনাভন আছিল এজন প্ৰকৃত সম্প্ৰদায়ৰ নৱজাগৰণৰ নেতা, যাৰ দৃষ্টিভংগীয়ে সংকীৰ্ণ স্বাৰ্থক অতিক্ৰম কৰিছিল। তেওঁৰ মতে প্ৰতিজন ব্যক্তিৰ সমান মৰ্যাদা আৰু সুযোগ থাকিব লাগে।

পদ্মনাভনৰ আদৰ্শ কেৰালাৰ বাহিৰলৈ বিয়পি পৰাত উপ-ৰাষ্ট্ৰপতিগৰাকীয়ে আনন্দ প্ৰকাশ কৰে। তেওঁ এন এছ এছ দিল্লীক প্ৰশংসা কৰে যিয়ে কলাৰিপায়াট্টু, কঠাকালী, আৰু মহিনিয়াট্টমৰ দৰে সাংস্কৃতিক পৰম্পৰা ৰক্ষা কৰাৰ লগতে আধুনিক শিক্ষা আৰু সমাজ সেৱাৰ প্ৰসাৰো আগবঢ়াইছে। এন এছ এছ দিল্লী আজি ২৫টা শাখা আৰু প্ৰায় ২৫ হাজাৰ সদস্যৰে এক শক্তিশালী সংগঠনলৈ পৰিণত হৈছে।

এই উপলক্ষে উপ-ৰাষ্ট্ৰপতিগৰাকীয়ে ‘মাতৃৰ বাবে এজোপা গছ’ অভিযানৰ অধীনত মান্নাম আন্তৰ্জাতিক কেন্দ্ৰতো এজোপা গছ ৰোপণ কৰে। পেট্ৰলিয়াম আৰু প্ৰাকৃতিক গেছ মন্ত্ৰালয়ৰ উদ্যোগত এই অনুষ্ঠানৰ আয়োজন কৰা হয়।

এই অনুষ্ঠানত পেট্ৰলিয়াম আৰু প্ৰাকৃতিক গেছ আৰু পৰ্যটন বিভাগৰ ৰাজ্যিক মন্ত্ৰী সুৰেশ গোপি, এন এছ এছ দিল্লীৰ সভাপতি এম কে জি পিল্লাই, সাধাৰণ সম্পাদক এম ডি জয়প্ৰকাশ,কে ধৰি অন্যান্য বিশিষ্ট অতিথিসকল উপস্থিত থাকে।

হিন্দুস্থান সমাচাৰ / মনোজ কুমাৰ শইকীয়া