নতুন দিল্লী, ১২ জুলাই (হি.স.): উপ-ৰাষ্ট্ৰপতি চি.পি. ৰাধাকৃষ্ণনে দেওবাৰে নতুন দিল্লীত মন্নম স্মৃতি মণ্ডপম উদ্বোধন কৰে। এই মণ্ডপম মন্নম আন্তৰ্জাতিক কেন্দ্ৰৰ এটা স্মৃতিগৃহ। নায়াৰ চাৰ্ভিচ ছ’চাইটিৰ দিল্লী শাখাৰ উদ্যোগত এই অনুষ্ঠানৰ আয়োজন কৰা হয়। তেওঁ সমাজ সংস্কাৰক তথা স্বাধীনতা সংগ্ৰামী মন্নথু পদ্মনাভনৰ প্ৰতিমূৰ্তিও উন্মোচন কৰে।

উল্লেখ্য যে ১৯১৪ চনত নায়াৰ সেৱা সমিতি প্ৰতিষ্ঠা কৰা আৰু কেৰালাৰ নাইৰ সম্প্ৰদায়ৰ উত্থানৰ বাবে সামাজিক ন্যায়, শিক্ষা, সমতা, সমাজ সেৱাৰ ক্ষেত্ৰত ব্যাপকভাৱে কাম কৰা মন্নাথু পদ্মনাভনক শ্ৰদ্ধাঞ্জলি জনোৱা হয়। এই উপলক্ষে কেন্দ্ৰীয় মন্ত্ৰী সুৰেশ গোপী আৰু এন এছ এছ দিল্লীৰ বিষয়াসকলো উপস্থিত থাকে।

অনুষ্ঠানত ভাষণ দি উপ-ৰাষ্ট্ৰপতিগৰাকীয়ে মান্নাথু পদ্মনাভনৰ সামাজিক ন্যায়, সমতা, শিক্ষা, আৰু সমাজ সেৱাৰ প্ৰতি আজীৱন সমৰ্পণৰ ওপৰত আলোকপাত কৰি কয় যে তেওঁৰ আদৰ্শই দেশৰ সৰ্বাংগীন আৰু সুসম সমাজৰ দিশত যাত্ৰাক অনুপ্ৰাণিত কৰি আহিছে। তেওঁ মন্নম স্মৃতি মণ্ডপম প্ৰতিষ্ঠাৰ জৰিয়তে তেওঁৰ উত্তৰাধিকাৰ সংৰক্ষণ আৰু আগুৱাই নিয়াৰ ক্ষেত্ৰত দিল্লীস্থিত নাইৰ চাৰ্ভিচ ছ’চাইটিৰ প্ৰচেষ্টাক প্ৰশংসা কৰে।

মন্নম আন্তঃৰাষ্ট্ৰীয় কেন্দ্ৰত মাতৃৰ নামত এজোপা গছ অভিযানৰ অধীনত এজোপা গছপুলি ৰোপণ কৰি সমাজ সংস্কাৰক মন্নথু পদ্মনাভনৰ প্ৰতিমূৰ্তি উন্মোচন কৰে, মন্নম স্মৃতি মণ্ডপম উদ্বোধন কৰে।

হিন্দুস্থান সমাচাৰ / মনোজ কুমাৰ শইকীয়া