ডুবাই, ১২ জুলাই (হি.স.)। আন্তঃৰাষ্ট্ৰীয় ক্ৰিকেট পৰিষদ (আইচিচি)ৰ অধ্যক্ষ জে শ্বাহে ভাৰতীয় পুৰুষ ক্ৰিকেটৰ প্ৰাক্তন অধিনায়ক সৌৰভ গাংগুলী আৰু ভাৰতীয় মহিলা ক্ৰিকেটৰ প্ৰাক্তন অধিনায়ক অঞ্জুম চোপ্ৰাৰ লগতে ইংলেণ্ডৰ প্ৰাক্তন বেটছমেন কেভিন পিটাৰচেনক সন্মানীয় আই চি চি হল অৱ ফেমত প্ৰৱেশৰ বাবে অভিনন্দন জ্ঞাপন কৰে।

দেওবাৰে ছ’চিয়েল মিডিয়াত জে শ্বাহে লিখিছে, আই চি চিৰ হল অৱ ফেমত নতুনকৈ নামভৰ্তি কৰাসকলক আদৰণি জনাই মই আনন্দিত হৈছো। এই ব্যতিক্ৰমী খেলুৱৈসকলৰ বাবে এয়া এক সন্মান যাৰ কৃতিত্বই আমাৰ খেলত বিপুল অৱদান আগবঢ়াইছে। সৌৰভ গাংগুলী, অঞ্জুম চোপ্ৰা, আৰু কেভিন পিটাৰচেনে সৌৰভ গাংগুলী, অঞ্জুম চোপ্ৰা, আৰু কেভিন পিটাৰচেনে গৌৰৱেৰে নিজ নিজ জাতীয় দলৰ অধিনায়কত্ব কৰিছিল। আই চি চিৰ হৈ মই তিনিওজনকে ইয়াৰ বাবে অভিনন্দন জনাইছো। সন্মান।

আন্তঃৰাষ্ট্ৰীয় ক্ৰিকেট পৰিষদে এই তিনিগৰাকী খেলুৱৈক হল অৱ ফেমত অন্তৰ্ভুক্ত কৰাৰ কথা ঘোষণা কৰিছে। তিনিওজন কিংবদন্তিয়ে বিভিন্ন ফৰ্মেটত ক্ৰিকেটত অসাধাৰণ অৱদান আগবঢ়াইছে।

সৌৰভ গাংগুলীয়ে আই চি চি হল অৱ ফেমত অন্তৰ্ভুক্ত হোৱা দশম পুৰুষ ভাৰতীয় ক্ৰিকেটাৰ হিচাপে পৰিগণিত হোৱাৰ বিপৰীতে অঞ্জুম চোপ্ৰা এই সন্মান লাভ কৰা তৃতীয়গৰাকী ভাৰতীয় মহিলা ক্ৰিকেটাৰ।

সৌৰভ গাংগুলীয়ে আন্তঃৰাষ্ট্ৰীয় কেৰিয়াৰত মুঠ ৪২৪খন মেচ খেলি ১৮,৫৭৫ ৰান সংগ্ৰহ কৰে। এই সময়ছোৱাত তেওঁ ৩৮টা শতক আৰু ১০৭টা অৰ্ধশতক অৰ্জন কৰে। টেষ্ট ক্ৰিকেটত তেওঁ ১১৩খন খেলত ৭,২১২ ৰান সংগ্ৰহ কৰাৰ বিপৰীতে ৩১১খন এদিনীয়াত তেওঁ ১১,৩৬৩ ৰান সংগ্ৰহ কৰে।

ভাৰতীয় মহিলা দলৰ প্ৰাক্তন অধিনায়ক অঞ্জুম চোপ্ৰাই দেশৰ মহিলা ক্ৰিকেটৰ বিকাশত উল্লেখযোগ্য অৱদান আগবঢ়াইছিল। ১৭ বছৰীয়া আন্তঃৰাষ্ট্ৰীয় কেৰিয়াৰত ৩৫০০ ৰানৰো অধিক ৰান সংগ্ৰহ কৰি ১০০খন এদিনীয়া খেলা প্ৰথমগৰাকী ভাৰতীয় মহিলা ক্ৰিকেটাৰ হিচাপে পৰিগণিত হয়।

আই চি চিৰ সন্মানীয় হল অৱ ফেমৰ তালিকাত অন্তৰ্ভুক্ত ইংলেণ্ডৰ প্ৰাক্তন বেটিং কিংবদন্তি কেভিন পিটাৰছেনে আন্তঃৰাষ্ট্ৰীয় ক্ৰিকেটত মুঠ ১৩,৭৯৭ ৰান সংগ্ৰহ কৰে। ১০৪খন টেষ্ট মেচত ৮১৮১ ৰান, ১৩৬খন এদিনীয়াত ৪৪৪০ ৰান আৰু ৩৭খন টি-২০ আন্তঃৰাষ্ট্ৰীয় মেচত ১১৭৬ ৰান সংগ্ৰহ কৰে।

হিন্দুস্থান সমাচাৰ / অৰৱিন্দ