নতুন দিল্লী, ১২ জুলাই (হি.স.)। প্ৰধানমন্ত্ৰী নৰেন্দ্ৰ মোদীয়ে কাটাৰৰ প্ৰাক্তন আমিৰ শ্বেইখ হামাদ বিন খলিফা আল থানীৰ মৃত্যুত শোক প্ৰকাশ কৰে। তেওঁক কাটাৰৰ উন্নয়ন আৰু সমৃদ্ধিৰ গতি ত্বৰান্বিত কৰা এজন দূৰদৰ্শী নেতা বুলি অভিহিত কৰে। ফাদাৰ আমিৰৰ আজি ৭৪ বছৰ বয়সত দেহাৱসান ঘটে।

এই উপলক্ষে প্ৰধানমন্ত্ৰীয়ে কয়, কাটাৰৰ ৰাষ্ট্ৰপিতা শ্বেইখ হামাদ বিন খলিফা আল থানীৰ মৃত্যুত আমি গভীৰ শোক প্ৰকাশ কৰিছো। কাটাৰক উন্নয়ন আৰু সমৃদ্ধিৰ নতুন উচ্চতালৈ লৈ যোৱা এজন দূৰদৰ্শী নেতা। আমি তেওঁক এজন প্ৰকৃত বন্ধু হিচাপেও স্মৰণ কৰোঁ। তেওঁৰ সৈতে হোৱা সাক্ষাৎকাৰৰ কথা মনত পেলাই প্ৰধানমন্ত্ৰীয়ে কয় যে ২০২৪ চনৰ ফেব্ৰুৱাৰী মাহত শেষবাৰৰ বাবে কাটাৰ ভ্ৰমণৰ সময়ত তেওঁক লগ পোৱাৰ সৌভাগ্য লাভ কৰিছিল।

প্ৰধানমন্ত্ৰীয়ে কাটাৰৰ ৰাষ্ট্ৰপিতা শ্বেইখ তামিম বিন হামাদ আল থানীৰ লগতে সমগ্ৰ ৰজাঘৰীয়া পৰিয়াল, আৰু কাটাৰৰ জনসাধাৰণৰ প্ৰতি শোক প্ৰকাশ কৰি তেওঁৰ আত্মাই শান্তি লাভ কৰিবলৈ প্ৰাৰ্থনা কৰে।

হিন্দুস্থান সমাচাৰ / মনোজ কুমাৰ শইকীয়া