কোকৰাঝাৰ, ১২ জুলাই (হি.স.)। কোকৰাঝাৰ জিলাৰ অন্তৰ্গত গোসাইগাঁও আৰু কচুগাঁও আৰক্ষীয়ে বিভিন্ন অঞ্চলত অভিযান চলাই জব্দ কৰা ড্ৰাগছ গাঞ্জা আৰু বিভিন্ন ধৰনৰ নিচা জাতীয় সামগ্ৰী আজি দাহন কৰা হয় ৷ কচুগাঁও আৰু গোসাইগাঁও আৰক্ষীয়ে জব্দ কৰা গাঞ্জা ৩০০০ কেজি,আফিম ৬ কেজি, হেৰ'ইন ২.২৫০ কেজি আৰু টেবলেট ২৫০০ টা আদি বিভিন্ন ধৰনৰ নিচা জাতীয় সামগ্ৰী আজি দাহন কৰা হয় ৷

অসম-বংগ সীমান্তৰ সংকোষ নদীৰ পাৰত নিৰ্জন ঠাইত সামগ্ৰী সমুহ জলাই দিয়া হয় ৷ জ্বলাই দিয়া সামগ্ৰীৰ বজাৰমূল্য প্ৰায় ১৯ কোটি ৫১ লাখ টকা হব বুলি আৰক্ষীয়ে প্ৰকাশ কৰিছে ৷ কোকৰাঝাৰ জিলা আৰক্ষী অধীক্ষক অক্ষত গাৰ্গ, উপ আৰক্ষী অধীক্ষক প্ৰকাশ মেধী,গোসাইগাঁও মহকুমাধিপতি এন মাংগাংছা আৰু মহকুমা আৰক্ষী বিষয়া মন্টু বৰাৰ উপস্থিত নিচাজাতীয় সামগ্ৰী দাহন কৰা হয় । সৰ্বমুঠ ১৮ টা অভিযানত নিচা জাতীয় সামগ্ৰী সমূহ জব্দ কৰা হৈছিল৷

হিন্দুস্থান সমাচাৰ / কিশোৰ মিশ্ৰ