নতুন দিল্লী, ১০ জুলাই (হি.স.)। ফিফা বিশ্বকাপ ২০২৬ৰ এতিয়া নিৰ্ণায়ক পৰ্যায়ত উপনীত হৈছে। ফ্ৰান্সে মৰক্কোক পৰাস্ত কৰি ছেমি ফাইনেলত প্ৰৱেশ কৰে। ইয়াৰ লগে লগে প্ৰতিযোগিতাখনৰ আগশাৰীৰ গ’লদাতাক প্ৰদান কৰা গোল্ডেন বুটৰ দৌৰ ক্ৰমান্বয়ে ৰোমাঞ্চকৰ হৈ পৰিছে।

ফ্ৰান্সৰ তাৰকা ষ্ট্ৰাইকাৰ কাইলিয়ান এমবাপে ৮টা গ’ল আৰু ৩টা এছিষ্টেৰে শীৰ্ষত আছে।

আৰ্জেণ্টিনাৰ অধিনায়ক লিয়নেল মেছিয়েও ৮টা গ’ল দিছে যদিও মাত্ৰ ১টা এছিষ্টেৰে দ্বিতীয় স্থানত আছে। তৃতীয় স্থানত আছে নৰৱেৰ এৰলিং হালেণ্ডে ৭টা গ’ল দি।

ইংলেণ্ডৰ হেৰী কেনে ৬টা গ’ল আৰু ১টা এছিষ্টেৰে চতুৰ্থ স্থানত থকাৰ বিপৰীতে ফ্ৰান্সৰ অউছমান ডেম্বেলে ৫টা গ’ল আৰু ২টা এছিষ্টেৰে পঞ্চম স্থানত আছে।

ইয়াৰ উপৰিও চেনেগালৰ ইছমাইলা ছাৰ, স্পেইনৰ মাইকেল অয়াৰজাবাল, মেক্সিকোৰ জুলিয়ান কুইনোনেছ, ইংলেণ্ডৰ জুড বেলিংহাম, ব্ৰাজিলৰ ভিনিচিয়াছ জুনিয়ৰে চাৰিটাকৈ গ’ল দিছে। এই আটাইকেইজন খেলুৱৈৰ এটাকৈ এছিষ্টো আছে, যাৰ ফলত কোৱাৰ্টাৰ ফাইনেলৰ পিছত গোল্ডেন বুটৰ যুদ্ধখন আৰু অধিক জটিল হৈ পৰিছে।

ফিফাৰ নিয়ম অনুসৰি যদি দুজন বা তাতকৈ অধিক খেলুৱৈয়ে একে সংখ্যক গ’ল দিয়ে তেন্তে এছিষ্টৰ সংখ্যা আৰু তাৰ পিছত খেলা মিনিটৰ ওপৰত ভিত্তি কৰি বিজয়ী নিৰ্ণয় কৰা হ’ব।

কোৱাৰ্টাৰ ফাইনেল চলি থকাৰ লগে লগে গোল্ডেন বুটৰ যুঁজখন আৰু অধিক ৰোমাঞ্চকৰ হৈ পৰিছে।

-----------------

হিন্দুস্থান সমাচাৰ / অৰৱিন্দ