ইম্ফল, ১০ জুলাই (হি.স.)। মণিপুৰ আৰক্ষী, ৰাষ্ট্ৰীয় তদন্ত সংস্থা (এন আই এ), আৰু কেন্দ্ৰীয় সংৰক্ষিত আৰক্ষী বাহিনী (চি আৰ পি এফ)ৰ যৌথ অভিযানত ২০২৬ চনৰ ১৩ মে’ত লেইলন ৱাইফেই গাঁৱত ছয়জন নগা গাঁৱৰ লোকৰ হত্যাকাণ্ডৰ সৈতে জড়িত দুজন ব্যক্তিক গ্ৰেপ্তাৰ কৰিছে।

মণিপুৰ আৰক্ষীৰ তথ্য অনুসৰি, নিৰ্ভৰযোগ্য চোৰাংচোৱাৰ ভিত্তিত শুকুৰবাৰে পুৱা এই অভিযান আৰম্ভ কৰা হয়। লেইলন ৱাইফেই গাঁৱত নিৰাপত্তা বাহিনীয়ে এক চিহ্নিত অভিযান চলাই দুজন সন্দেহযুক্ত লোকক গ্ৰেপ্তাৰ কৰে।

ধৃত ব্যক্তিকেইজনৰ নাম প্ৰদীপ আৰু আয়িংবি (প্ৰদীপৰ পত্নী); দুয়োজনেই লেইলন ৱাইফেই গাঁৱৰ বাসিন্দা। আৰক্ষীয়ে জনোৱা মতে, অভিযানৰ সময়ত তালাচী আৰু জব্দ অভিযান চলোৱা হৈছিল, আৰু বৰ্তমান সকলো প্ৰয়োজনীয় আইনী পদ্ধতি চলি আছে।

১৩ মে’ত লেইলন ভাইফেই গাঁৱত ছয়জন নগা লোকক হত্যা কৰাৰ সৈতে জড়িত এই গোচৰটো।তদন্ত অব্যাহত থকাৰ বাবে কৰ্তৃপক্ষই সবিশেষ প্ৰকাশ কৰা নাই।

---------------

হিন্দুস্থান সমাচাৰ / অৰৱিন্দ