কলকাতা, ০১ জুলাই (হি.স.)। আয়োজক পাঁচখন চহৰ, অংশগ্ৰহণকাৰী ২৪টা দলৰ লগতে ১৩৫ সংখ্যক সংস্কৰণৰ ডুৰাণ্ড কাপৰ মেচৰ সময়সূচী বুধবাৰে আনুষ্ঠানিকভাৱে ঘোষণা কৰা হয়। এছিয়াৰ আটাইতকৈ পুৰণি আৰু বিশ্বৰ অন্যতম সন্মানীয় ফুটবল প্ৰতিযোগিতা ডুৰাণ্ড কাপ চলিত বৰ্ষৰ ২৫ জুলাইৰ পৰা ২৩ আগষ্টলৈ অনুষ্ঠিত হ’ব।

এইবাৰ কলকাতা, ৰাঁচী, ইম্ফল, শ্বিলং, আৰু গুৱাহাটীত অনুষ্ঠিত হ’বলগীয়া এই প্ৰতিযোগিতাৰ অন্তিমখন খেল অহা ২৩ আগষ্টত কলকাতাৰ বিবেকানন্দ যুৱ ভাৰতী ক্ৰীড়াংগনত অনুষ্ঠিত হ’ব।

প্ৰথমবাৰৰ বাবে ডুৰাণ্ড কাপত অংশগ্ৰহণ কৰিব ৭টা দলে

এই সংস্কৰণত প্ৰথমবাৰৰ বাবে ডুৰাণ্ড কাপত ৭টা নতুন দলে অংশগ্ৰহণ কৰিব। ইয়াৰ ভিতৰত আছে শ্ৰীলংকা আৰ্মড ফৰ্চেছ ডিফেণ্ডাৰছ এফ চি, মেঘালয় প্ৰিমিয়াৰ লীগ চেম্পিয়ন নংকেছেহ স্প’ৰ্টছ ছ’চিয়েল এণ্ড কালচাৰেল ক্লাব, বাগপাট এফ চি, সমলেশ্বৰী স্প’ৰ্টিং, এফ চি ৰেংদাই, মুম্বাই এফ চি, আৰু এফ চি ১।

কলকাতা মূল কেন্দ্ৰ হ’ব

২০১৯ চনৰ পৰা স্থায়ী আয়োজক কলকাতাই এইবাৰ প্ৰতিযোগিতাখনৰ সৰ্ববৃহৎ অংশ আয়োজন কৰিব। ইয়াত দুটা গ্ৰুপ ষ্টেজ, মুকলি মেচ, দুখন কোৱাৰ্টাৰ ফাইনেল, এটা ছেমি ফাইনেল, আৰু ফাইনেল খেলিব। বিবেকানন্দ যুৱ ভাৰতী কৃৰংগন আৰু কিশোৰ ভাৰতী ক্ৰীড়াংগনত অনুষ্ঠিত হ’ব এই খেল।

অভিলেখ ১৭ বাৰৰ চেম্পিয়ন মোহন বাগান ছুপাৰ জায়েন্টছ আৰু ১৬ বাৰৰ বিজয়ী ইষ্ট বেংগল এফ চি কলকাতা লেগত মূল আকৰ্ষণ হ’ব। মহম্মদ এছ চি, ইণ্ডিয়ান আৰ্মী, চি আই এছ এফ, চাউথ ইউনাইটেড এফ চি, বাগপাট এফ চি, আৰু সমলেশ্বৰী স্প’ৰ্টিঙেও অংশগ্ৰহণ কৰিব।

প্ৰথমবাৰৰ বাবে আয়োজক হ’ব ৰাঁচি

ৰাঁচিত প্ৰথমবাৰৰ বাবে আয়োজন কৰিব ডুৰাণ্ড কাপ। ২৬ জুলাইৰ পৰা ১৬ আগষ্টলৈকে বীৰছা মুণ্ডা ষ্টেডিয়ামত লীগ পৰ্যায়ৰ মেচ আৰু কোৱাৰ্টাৰ ফাইনেল অনুষ্ঠিত হ’ব । ইয়াত খেলিব জামছেদপুৰ এফ চি, স্প’ৰ্টিং ক্লাব দিল্লী, ভাৰতীয় বায়ুসেনাৰ ফুটবল দল আৰু অভিষেককাৰী ডিফেণ্ডাৰছ এফ চি (শ্ৰীলংকা)।

ফুটবলৰ ৰোমাঞ্চে আকৌ এবাৰ অনুৰণন কৰিব ইম্ফলত

মণিপুৰৰ ফুটবল পৰম্পৰা আগবঢ়াই ইম্ফাল অবিৰতভাৱে ডুৰেণ্ড কাপৰ আয়োজক হ'ব । খুমান লম্পাক ষ্টেডিয়ামত ২৮ জুলাইৰ পৰা ১৭ আগষ্টলৈ প্ৰতিযোগিতা হ'ব । এই পৰ্যায়ত ত্ৰাউ এফচি, নেৰোকা এফচি, ভাৰতীয় নৌসেনা ফুটবল টীম আৰু প্ৰথমবাৰৰ বাবে অংশ লৈ থকা এফচি ৰেংদাই মৈদানত নামিব।

শ্বিলঙত ছেমি ফাইনেলৰ উত্তেজনা

যোৱা বছৰৰ সফল আয়োজনৰ পিছতে পুনৰবাৰ প্ৰতিযোগিতাখনৰ বাবে এক গুৰুত্বপূৰ্ণ কেন্দ্ৰ হিচাপে পৰিগণিত হ’ব শ্বিলং। ৩১ জুলাইৰ পৰা ২০ আগষ্টলৈ জৱাহৰলাল নেহৰু ষ্টেডিয়ামত অনুষ্ঠিত হ’বলগীয়া এই খেলসমূহ ছেমি ফাইনেলত শিখৰত উপনীত হ’ব । শ্বিলং লাজং এফ চি, নংকেছেহ এছ এছ এণ্ড চি চি, লংছনিং এফ চি আৰু অভিষেক ঘটোৱা মুম্বাই এফ চিয়ে অংশগ্ৰহণ কৰিব।

গুৱাহাটীত গুৰুত্ব দিয়া হ’ব নৰ্থ ইষ্ট ইউনাইটেড

১ আগষ্টৰ পৰা ১৩ আগষ্টলৈ ইন্দিৰা গান্ধী এথলেটিক ষ্টেডিয়ামত অনুষ্ঠিত হ’ব লীগ পৰ্যায়ৰ মেচ । দুবাৰৰ ডিফেণ্ডিং চেম্পিয়ন নৰ্থইষ্ট ইউনাইটেড এফ চিয়ে এফ চি ১, বডোলেণ্ড এফ চি, আৰু কাৰ্বি আংলং মৰ্নিং ষ্টাৰ এফ চিৰ বিৰুদ্ধে খেলিব।

নকআউটৰ সময়সূচী

কলকাতা, ৰাঁচী, আৰু শ্বিলঙত অনুষ্ঠিত হ’ব চাৰিটা কোৱাৰ্টাৰ ফাইনেল। শিলচৰ আৰু কলকাতাত অনুষ্ঠিত হ’বলগীয়া ছেমি ফাইনেলত ২৩ আগষ্টত কলকাতাত অনুষ্ঠিত হ’ব ফাইনেল।ডুৰাণ্ড কাপত পুনৰবাৰ ভাৰতীয় ছুপাৰ লীগ ক্লাব, আই-লীগ দল, চাৰ্ভিচেছ দল, উদীয়মান ভাৰতীয় ক্লাব, আৰু বিদেশী সামৰিক দলৰ অনন্য সংমিশ্ৰণ ঘটিব। এই সংস্কৰণে ভাৰতীয় ফুটবলক নতুন উচ্চতালৈ উন্নীত কৰাত উল্লেখযোগ্য ভূমিকা গ্ৰহণ কৰিব বুলি আয়োজক সমিতিয়ে আশা কৰিছে ।

--------------

হিন্দুস্থান সমাচাৰ / অৰৱিন্দ