নগাঁও, ০১ জুলাই (হি.স.)। অৱশেষত গা লৰিল ৰেল বিভাগৰ, মেৰামতি কৰা হৈছে কামপুৰ উৰণ সেতুৰ। উৰণ সেতু খনৰ মাজত কংক্ৰিট এৰাই সৃষ্টি হৈছে গাঁতৰ। কামপুৰ উৰণ সেতু খনত মেলিছিল বৃহৎ বৃহৎ ফাঁট ।

উৰণ সেতু খনৰ কেইবা ঠাইতো বেলুনৰ দৰে ফুলি যোৱাৰ লগতে কংক্ৰিট ভাঙি লোহাৰৰ ৰ'ড পৰ্যন্ত ওলাই যোৱাত তীব্ৰ প্ৰতিক্ৰিয়াৰ সৃষ্টি হৈছিল । যাৰ বাতৰি সংবাদ মাধ্যমত প্ৰচাৰ হোৱাৰ পাছতে ৰেল বিভাগ তৎপৰ হৈ মেৰামতি কাম হাতত লৈছে ৷ এটা বছৰো সম্পূৰ্ণ নৌহওতেই ৮৩ কোটিৰো অধিক টকা ব্যয় সাপেক্ষে নিৰ্মান কৰা এই উৰণ সেতুখনৰ বিভিন্ন স্থানত পকী অংশ সমূহ এৰাই যোৱাত সচেতন ৰাইজৰ মাজত প্ৰতিক্ৰিয়াৰ সৃষ্টি হৈছে । উৰণ সেতুখন নিৰ্মাণৰ সময়তে বিসংগতি সমূহ দেখাই দিছিল সচেতন ৰাইজে, কিন্তু গুৰুত্ব নিদিলে ঠিকাদাৰ তথা ৰে'ল বিভাগে।

হিন্দুস্থান সমাচাৰ / প্ৰকাশ ডেকা