ইছলামাবাদ, ০১ জুলাই (হি.স.)। পাকিস্তানৰ বেলুচিস্তান প্ৰদেশৰ মাৰি গেছ কোম্পানীৰ ছয়জন কৰ্মচাৰীক অস্ত্ৰধাৰী লোকে অপহৰণ কৰে। আৰক্ষীয়ে এই কথা নিশ্চিত কৰি কয় যে সংস্থাসমূহে উদ্ধাৰ অভিযান আৰম্ভ কৰিছে। বেলুচিস্তানৰ জাৰঘুন ঘৰ পাহাৰীয়া অঞ্চলত অৱস্থিত খনন এলেকাত শ্বাবান ডালৱানীত সংঘটিত হয় এই ঘটনা।
দ্য বেলুচিস্তান পোষ্টত প্ৰকাশিত এক বাতৰি অনুসৰি অপহৃত গেছ কোম্পানীটোৰ কৰ্মচাৰীসকলৰ ভিতৰত আছে জালাত খান, মহম্মদ হাছিম, কমল খান, জাহাংগীৰ খান, মহম্মদ আজিম, আৰু ৰ’জ খান। বিষয়াসকলে দাবী কৰিছে যে অতি সোনকালে সকলো মুকলি কৰি দিয়া হ’ব।
শেহতীয়াকৈ বেলুচিস্তানৰ এই পাহাৰীয়া অঞ্চলটো নিৰাপত্তা অভিযান আৰু সন্ত্ৰাসবাদ বিৰোধী অভিযানৰ লগতে খনিকৰ অপহৰণৰ কাণ্ডৰ বাবে বাতৰিৰ শিৰোনাম দখল কৰিছে। এই অঞ্চলটো প্ৰাদেশিক ৰাজধানী কুৱেটাৰ পূব দিশত অৱস্থিত এটা ঠেক আৰু পাহাৰীয়া অঞ্চল। শেহতীয়াকৈ ইয়াত এটা ব্যক্তিগত খনন কোম্পানীৰ কেইবাজনো কৰ্মচাৰীক অপহৰণ কৰা হৈছে।
মাৰি হৈছে পাকিস্তানৰ দ্বিতীয় বৃহত্তম গেছ উৎপাদনকাৰী দেশ। ইয়াৰ ব্যৱসায় পাকিস্তান ষ্টক এক্সচেঞ্জত হয়। ইছলামবাদত মুখ্য কাৰ্যালয় থকা কোম্পানীটোৰ মালিক ফৌজী ফাউণ্ডেশ্যন (৪০ শতাংশ)। ফেডাৰেল চৰকাৰ আৰু অইল এণ্ড গেছ ডেভেলপমেণ্ট কোম্পানী লিমিটেডৰ (অ’জিডিচিএল)ও অংশীদাৰিত্ব আছে। মাৰি গেছ কোম্পানীয়ে সিন্ধ প্ৰদেশৰ ঘোটকী জিলাত অৱস্থিত মাৰি গেছ ক্ষেত্ৰখন পৰিচালনা কৰে। দেশৰ মুঠ ইউৰিয়া উৎপাদনৰ প্ৰায় ৮০ শতাংশ এই কোম্পানীয়ে যোগান ধৰে।
--------------
হিন্দুস্থান সমাচাৰ / অৰৱিন্দ
