নতুন দিল্লী, ০৯ জুন (হি.স.)। শ্ৰীলংকাৰ বিৰুদ্ধে তিনিখন খেলৰ টি-২০ আন্তঃৰাষ্ট্ৰীয় শৃংখলাৰ বাবে ৱেষ্ট ইণ্ডিজ ক্ৰিকেট ব’ৰ্ডে ঘোষণা কৰিছে দল । আকিম অগাষ্ট, জুৱেল এণ্ড্ৰু, আৰু শ্বামাৰ স্প্ৰিংগাৰ পুনৰ দললৈ উভতি আহে।

জামাইকাত এই শৃংখলাৰ বাবে নিৰ্বাচিত দলটোত শেহতীয়াকৈ টি-২০ বিশ্বকাপৰ দলৰ পৰা কিছু পৰিৱৰ্তন দেখা গৈছে । জনছন চাৰ্লছ, কুৱেণ্টিন চেম্পছন, আৰু জেডেন ছিলছক দলৰ পৰা বাদ দিয়াৰ বিপৰীতে বেগী বলাৰ আলজাৰী জোচেফক ৱৰ্কলোড মেনেজমেণ্ট প্লেনৰ বাবে নিৰ্বাচনৰ বাবে বিবেচনা কৰা হোৱা নাছিল ।

২২ বছৰীয়া আকিম অগাষ্টে এতিয়ালৈকে ৯ খন টি-২০ আন্তঃৰাষ্ট্ৰীয় মেচ খেলিছে। ১৯ বছৰীয়া জুৱেল এণ্ড্ৰুৱে এই ফৰ্মেটত পাঁচখন মেচ খেলাৰ বিপৰীতে অলৰাউণ্ডাৰ শ্বামাৰ স্প্ৰিংগাৰে ৱেষ্ট ইণ্ডিজক প্ৰতিনিধিত্ব কৰি ৬খন টি-২০ আন্তঃৰাষ্ট্ৰীয় মেচত অংশগ্ৰহণ কৰিছে।

ইয়াৰ উপৰিও ব্যক্তিগত কাৰণত এদিনীয়া দল এৰি ঘৰলৈ উভতি অহা বেগী বলাৰ শ্বামাৰ জোচেফে টি-২০ শৃংখলাৰ পূৰ্বে দলটোত যোগদান কৰাৰ সম্ভাৱনা আছে ।

মুখ্য প্ৰশিক্ষক ডেৰেন ছেমীয়ে কয় যে, ভাৰতত বিশ্বকাপৰ পিছত এইখন আমাৰ প্ৰথম টি-২০ শৃংখলা। তাত দলটোৱে আবেগ, যুঁজ আৰু ঐক্য প্ৰদৰ্শন কৰিছিল, যিটো ৱেষ্ট ইণ্ডিজ ক্ৰিকেটৰ চিহ্ন। এতিয়া, আমাৰ লক্ষ্য হৈছে সেই প্ৰদৰ্শনৰ ওপৰত নিৰ্ভৰ কৰি শ্ৰীলংকাৰ বিৰুদ্ধে এক শক্তিশালী প্ৰতিযোগিতা গঢ়ি তোলা।

১১, ১৩ আৰু ১৪ জুনত জামাইকাৰ ছাবিনা পাৰ্কত অনুষ্ঠিত হ’ব তিনিখন টি-২০ মেচ।তাৰ পিছত এন্টিগুয়াত দুটা টেষ্টৰ শৃংখলা খেলিব। ইয়াৰ পূৰ্বে শ্ৰীলংকাই এদিনীয়া শৃংখলাত ১-০ ব্য়ৱধানত জয়লাভ কৰিছিল, অন্তিম দুখন মেচ বৰষুণৰ বাবে পৰিত্যক্ত হৈ পৰিছিল।

শ্ৰীলংকাৰ বিৰুদ্ধে ৱেষ্ট ইণ্ডিজৰ টি-২০ দল:

শ্বাই হোপ (অধিনায়ক), জুৱেল এণ্ড্ৰুজ, আকিম অগাষ্ট, ৰষ্টন চেজ, মেথিউ ফৰ্ড, শ্বিমৰন হেটমায়াৰ, জেছন হোল্ডাৰ, আকিয়েল হোছেইন, শ্বামাৰ জোচেফ, ব্ৰেণ্ডন কিং, গুডাকেশ মটি, ৰভমেন পাৱেল, শ্বাৰফেন ৰাদাৰফোৰ্ড, ৰোমাৰিয়া শ্বেফাৰ্ড, শ্বামাৰ স্প্ৰিংগাৰ।

--------------

হিন্দুস্থান সমাচাৰ / অৰৱিন্দ