ইম্ফল, ০৯ জুন (হি.স.)। মণিপুৰৰ সেনাপতি আৰু ইম্ফল পশ্চিম জিলাত নিষিদ্ধ সামগ্ৰীসহ তিনিজন ব্যক্তিক গ্ৰেপ্তাৰ কৰে আৰক্ষীয়ে। তেওঁলোকৰ পৰা ব্ৰাউন চুগাৰ আৰু হেৰ’ইন উদ্ধাৰ কৰা হৈছে।
মণিপুৰ আৰক্ষী মুখ্য কাৰ্যালয়ে আজি প্ৰকাশ কৰা তথ্য অনুসৰি যোৱা ৮ জুনত সেনাপতি জিলাৰ সেনাপতি থানাৰ অন্তৰ্গত টি খুলেন নাকা চকীত নিৰাপত্তা বাহিনীয়ে সন্দেহযুক্ত নিষিদ্ধ সামগ্ৰীসহ অসমৰ দুজন বাসিন্দাক গ্ৰেপ্তাৰ কৰে।
ধৃত দুজন দেৱীপুৰৰ উৰিয়ামঘাটৰ নাচিমুদ্দিন (৩৮) আৰু গোমাৰীগুৰিৰ মনজিৎ (২৫) বুলি জানিব পৰা গৈছে। তেওঁলোকৰ জিম্মাৰ পৰা সন্দেহযুক্ত ব্ৰাউন চুগাৰ থকা ১২টা চাবোনৰ বাকচ, নিষিদ্ধ সামগ্ৰীখিনি সৰবৰাহ কৰা এ এছ-০১এলচি-৯৪৩৬ নম্বৰৰ গ্ৰেণ্ড আই ১০ গাড়ী আৰু নগদ ৪ হাজাৰ ₹সহ বিভিন্ন সামগ্ৰী উদ্ধাৰ কৰে ।
যোৱা ৮ জুনত নিৰাপত্তা বাহিনীয়ে ইম্ফল পশ্চিম জিলাৰ নিউ কেইথেলমাবি থানাৰ অন্তৰ্গত কেইথেলমাবি অঞ্চলৰ পৰা থৌবাল জিলাৰ সাপাম মামাং লেইকাই নিবাসী নোংমাইথেম ৰূপু সিং (৩৮) নামৰ এজন লোকক সন্দেহযুক্ত নিষিদ্ধ সামগ্ৰীৰে গ্ৰেপ্তাৰ কৰে। পাঁচটা চাবোনৰ বাচনত লুকুৱাই থোৱা ৫৮ গ্ৰাম হেৰ’ইন পাউদাৰ আৰু টাটা টেংকাৰৰ গুলী উদ্ধাৰ কৰে।
আৰক্ষীয়ে জনোৱা মতে, জিলাসমূহৰ সীমান্ত আৰু স্পৰ্শকাতৰ অঞ্চলসমূহত নিৰাপত্তা বাহিনীয়ে অবিৰতভাৱে তালাচী অভিযান আৰু এলেকা আধিপত্য অভিযান চলাই আছে । সোমবাৰে ৩৭ নং ৰাষ্ট্ৰীয় ঘাইপথত অত্যাৱশ্যকীয় সামগ্ৰী কঢ়িয়াই অনা ১৩০খন বাহন পাৰ হ’বলৈ দিয়া হয়।সকলো স্পৰ্শকাতৰ স্থানতে কঠোৰ নিৰাপত্তা ব্যৱস্থা গ্ৰহণ কৰা হৈছে, আৰু স্পৰ্শকাতৰ অঞ্চলত নিৰাপত্তাৰক্ষীৰ কনভয়ৰ ব্যৱস্থা কৰা হৈছে যাতে বাহনৰ মসৃণ আৰু নিৰাপদ চলাচল নিশ্চিত হয় । মণিপুৰৰ বিভিন্ন জিলাত পাহাৰ আৰু ভৈয়াম উভয়তে মুঠ ১১৪টা চেকপইণ্ট/চেকপইণ্ট স্থাপন কৰা হৈছিল ।
---------------
হিন্দুস্থান সমাচাৰ / অৰৱিন্দ
