নতুন দিল্লী, ০৯ জুন (হি.স.)। প্ৰধানমন্ত্ৰী নৰেন্দ্ৰ মোদীয়ে মঙলবাৰে কুৱেইটৰ আমিৰ শ্বেইখ মেছাল আল আহমদ আল জাবেৰ আল ছাবাহৰ সৈতে টেলিফোনিক বাৰ্তালাপ কৰি পশ্চিম এছিয়াৰ পৰিস্থিতি সন্দৰ্ভত আলোচনা কৰে।

প্ৰধানমন্ত্ৰী কাৰ্যালয়ৰ তথ্য অনুসৰি পশ্চিম এছিয়াত ক্ৰমবৰ্ধমান উত্তেজনা আৰু নিৰাপত্তা পৰিস্থিতি সন্দৰ্ভত দুয়োগৰাকী নেতাই নিজৰ মতামত ব্যক্ত কৰে। প্ৰধানমন্ত্ৰী মোদীয়ে কুৱেইটৰ সাৰ্বভৌমত্ব আৰু ভূখণ্ডৰ অখণ্ডতাৰ ওপৰত হোৱা আক্ৰমণক ভাৰতে তীব্ৰ গৰিহণা দিয়াৰ কথা পুনৰবাৰ উল্লেখ কৰি এই বিষয়ত গভীৰ উদ্বেগ প্ৰকাশ কৰে। প্ৰধানমন্ত্ৰীয়ে পশ্চিম এছিয়া অঞ্চলত শান্তি আৰু স্থিতিশীলতা আগতীয়াকৈ পুনৰুদ্ধাৰৰ বাবে ভাৰতৰ ডি-এস্কেলেচন, আলোচনা আৰু কূটনীতিৰ আহ্বান পুনৰবাৰ উল্লেখ কৰে।

বাৰ্তালাপৰ সময়ত প্ৰধানমন্ত্ৰীয়ে কুৱেইটত বসবাস কৰা ভাৰতীয় জনগোষ্ঠীৰ সুৰক্ষা আৰু মংগলৰ প্ৰতি ব্যক্তিগত মনোযোগ দিয়াৰ বাবেও আমিৰৰ প্ৰতি কৃতজ্ঞতা প্ৰকাশ কৰে।

-----------------

হিন্দুস্থান সমাচাৰ / অৰৱিন্দ