মাজুলী, ০৯ জুন (হি.স.)। আজি লণ্ডন অভিমুখে ৰাওনা শ্ৰী শ্ৰী আউনীআটীয় সত্ৰৰ সত্ৰাধিকাৰ, সত্ৰীয়া সংস্কৃতিৰ বিশিষ্ট সাধক,কৱি সাহিত্যিক ড০পীতাম্বৰ দেৱ গোস্বামী । ব্ৰিটিছ সাংসদত সত্ৰীয়া সংস্কৃতিৰ ওপৰত ভাষণ প্ৰদান কৰিব ড০পীতাম্বৰ দেৱ গোস্বামীয়ে । প্ৰায় ২৫ মিনিট জোৰা ভাষণত মহাপুৰুষ শ্ৰীমন্ত শংকৰদেৱ, শ্ৰীমন্ত মাধৱদেৱ, দামোদৰ দেৱৰ অনুপম সৃষ্টি ৰাজি সন্নিৱিষ্ট হ'ব ।
অহা ১৭ জুনত আছে সত্ৰাধিকাৰ গৰাকীৰ এই বিশেষ কাৰ্যসূচী । সত্ৰাধিকাৰ জনে লগত এখন গুৰু আসন, হেঙুল হাইতাল লগোৱা বিচনি ব্ৰিটিছ মিউজিয়ামত সংৰক্ষণৰ বাবে লৈ যাব । এইটো হৈছে সত্ৰাধিকাৰ জনৰ অষ্টমটো বিদেশ যাত্ৰা । ইয়াৰ পূৰ্বে তেওঁ আমেৰিকা, চিংগাপুৰ, চীন, ডুবাই,নেপাল আৰু লণ্ডনলৈ গৈছিল ।
সত্ৰাধিকাৰ জনৰ সৈতে সত্ৰৰ ডেকা সত্ৰাধিকাৰ শ্ৰী শ্ৰী দেৱানন্দ দেৱ গোস্বামীও লণ্ডন অভিমুখে ৰাওনা হ'ব ।
হিন্দুস্থান সমাচাৰ / নিৰ্মলেন্দু