মুম্বাই, ০৮ জুন (হি.স.): জাৰ্মান বিলাসী গাড়ী নিৰ্মাতা বিএমডব্লিউ গ্ৰুপ ইণ্ডিয়াই নিজৰ সকলো বিএমডব্লিউ আৰু মিনি ৰেঞ্জৰ বাহনৰ মূল্য ২% পৰ্যন্ত বৃদ্ধি কৰিব। ১ জুলাইৰ পৰা কাৰ্যকৰী হ’ব এই নতুন হাৰ।এই মূল্য বৃদ্ধি ভাৰতত স্থানীয়ভাৱে নিৰ্মিত আৰু সম্পূৰ্ণ আমদানিকৃত (চিবিইউ) দুয়োটা মডেলৰ ক্ষেত্ৰত প্ৰযোজ্য হ’ব।

বিএমডব্লিউ গ্ৰুপ ইণ্ডিয়াৰ সভাপতি তথা মুখ্য কাৰ্যবাহী বিষয়া হৰদীপ সিং ব্ৰাৰে কয় যে, “সামষ্টিক অৰ্থনৈতিক প্ৰত্যাহ্বান, বিশেষকৈ টকাৰ মূল্য হ্ৰাস আৰু লজিষ্টিক খৰচ বৃদ্ধিৰ সন্মুখীন হোৱাৰ সময়ত প্ৰিমিয়াম মানদণ্ড সুৰক্ষিত কৰিবলৈ আমি সমগ্ৰ খণ্ডটোত ২% পৰ্যন্ত মূল্য বৃদ্ধি কাৰ্যকৰী কৰিছো, যিটো ১ জুলাইৰ পৰা কাৰ্যকৰী হ’ব।” ব্ৰাৰে লগতে কয়, “আমাৰ শক্তিশালী চাহিদা আৰু উৎকৃষ্ট প্ৰডাক্ট ৰেঞ্জে বিএমডব্লিউ গ্ৰুপ ইণ্ডিয়াই বিলাসী গতিশীলতা স্থানত ধাৰাবাহিকভাৱে নতুন মাপকাঠী নিৰ্ধাৰণ কৰিবলৈ সক্ষম কৰিছে।” বিএমডব্লিউ ইণ্ডিয়াৰ স্থানীয়ভাৱে নিৰ্মিত গাড়ীসমূহৰ ভিতৰত আছে ২ ছিৰিজ গ্ৰেন ক’পে, ৩ ছিৰিজ লং হুইলবেছ, ৫ ছিৰিজ লং হুইলবেছ, ৭ ছিৰিজ, এক্স১, এক্স৩, এক্স৫, এক্স৭, এম৩৪০আই, আৰু আইএক্স১ লং হুইলবেছ। ইয়াৰ উপৰিও কোম্পানীটোৱে সম্পূৰ্ণ আমদানিকৃত মডেল যেনে i5 M60, i7, i7 M70, BMW iX M440i Convertible, M2 Coupe, M4 Competition, M5, আৰু XM আদিও আগবঢ়ায়।

হিন্দুস্থান সমাচাৰ / মনোজ কুমাৰ শইকীয়া