বজালী, ০৭ জুন (হি.স.): অসমৰ বজালী জিলাত তিনিজন সন্দেহযুক্ত বাংলাদেশী নাগৰিকক স্থানীয় লোকে আটক কৰি আৰক্ষী বিষয়াক গতাই দিয়ে। পাঠশালাৰ ২ নং ৱাৰ্ডত সংঘটিত হৈছে এই ঘটনা।

আজি আৰক্ষীয়ে জনোৱা মতে, ব্যক্তি তিনিজনৰ কাৰ্যকলাপৰ প্ৰতি স্থানীয় লোক সন্দেহ প্ৰকাশ কৰে, তাৰ পিছত তেওঁলোকক ৰখাই সোধা-পোছা কৰা হয়। পিছত তেওঁলোকক জিম্মাত লৈ সংশ্লিষ্ট কৰ্তৃপক্ষক অৱগত কৰে।

স্থানীয় পৰ্যায়ত প্ৰাথমিক জেৰাৰ সময়ত তিনিওজনে কাম বিচাৰি অহা বুলি উল্লেখ কৰা বুলি জানিব পৰা গৈছে। আন লোকসকলো একেধৰণে কৰ্মসংস্থাপনৰ বাবে আহে বুলিও দাবী কৰে।

ঘটনা সন্দৰ্ভত তথ্য লাভ কৰাৰ পিছত আৰক্ষীয়ে তদন্ত আৰম্ভ কৰিছে। বিষয়াসকলে তেওঁলোকৰ ভাৰতত প্ৰৱেশৰ সৈতে জড়িত পৰিচয়, নাগৰিকত্ব আৰু নথি-পত্ৰ পৰীক্ষা কৰি আছে। বিষয়টোৰ সন্দৰ্ভত বিতং তদন্ত অব্যাহত আছে।

হিন্দুস্থান সমাচাৰ / অৰৱিন্দ