গুৱাহাটী, ০৭ জুন (হি.স.)। অসমৰ মুখ্যমন্ত্ৰী ড° হিমন্ত বিশ্ব শৰ্মাই আজি প্ৰখ্যাত কবি, নাট্যকাৰ, গদ্য লেখক, গৱেষক, শিশু সাহিত্যিক অতুলচন্দ্ৰ হাজৰিকাৰ মৃত্যু বাৰ্ষিকীত শোক প্ৰকাশ কৰে।

ছ’চিয়েল মিডিয়া ফেচবুকত এটা পোষ্ট শ্বেয়াৰ কৰি মুখ্যমন্ত্ৰী ড০ শৰ্মাই কয় যে প্ৰখ্যাত কবি, নাট্যকাৰ, গদ্য লেখক, গৱেষক, আৰু শিশু সাহিত্যিক অতুলচন্দ্ৰ হাজৰিকা অসমীয়া সাহিত্যৰ বিশাল ক্ষেত্ৰখনৰ এগৰাকী গভীৰ সন্মানীয় ব্যক্তি। অসম সাহিত্য সভাৰ সভাপতি পদতো অধিষ্ঠিত হাজৰিকাই আমাক পোহৰৰ পথ দেখুৱাই দিলে।

সাহিত্যিক প্ৰতিভাজনৰ অৱদানে অসমীয়া সাহিত্য জগত আৰু বহল অসমীয়া সমাজক প্ৰজন্মৰ পিছত প্ৰজন্ম অনুপ্ৰাণিত কৰি যাব। আজি তেখেতৰ মৃত্যু বাৰ্ষিকীত গভীৰ শ্ৰদ্ধাৰে স্মৰণ কৰিছোঁ ।

উল্লেখযোগ্য যে অতুলচন্দ্ৰ হাজৰিকাৰ জন্ম হৈছিল ১৯০৩ চনৰ ৯ ছেপ্টেম্বৰত, গুৱাহাটীত। পিতৃৰ নাম ৰমাকান্ত হাজৰিকা আৰু মাতৃৰ নাম নিৰুপমা হাজৰিকা । ১৯৮৬ চনৰ ৭ জুনত তেখেতৰ মৃত্যু হয়।অসমীয়া কবি, নাট্যকাৰ, গদ্য লেখক, শিশু সাহিত্যিক। ১৯৫৩ চনৰ পৰা ১৯৫৬ চনলৈ একেৰাহে তিনিটা কাৰ্যকালৰ বাবে অসম সাহিত্য সভাৰ সাধাৰণ সম্পাদক নিৰ্বাচিত হৈ ১৯৫৯ চনত অসম সাহিত্য সভাৰ নগাঁও অধিৱেশনৰ সভাপতিত্ব কৰে । ১৯৮২ চনত অসম সাহিত্য সভাই তেওঁক সাহিত্যচাৰ্য উপাধিৰে সম্বৰ্ধনা জনায়।হাজৰিকাই অসমত নাট্য আন্দোলনৰ সূচনা কৰি অসমীয়া নাট্যক প্ৰভাৱিত কৰে, যাৰ ফলত অসমীয়া নাট্যৰ পৰা বাংলা নাটক প্ৰত্যাহাৰ কৰা হয়।

হিন্দুস্থান সমাচাৰ / অৰৱিন্দ