শোণিতপুৰ, ০৫ জুন (হি.স.)। জামুগুৰিহাটত দিনদুপৰতে চিলনী চোৰে মহিলাৰ ডিঙিৰপৰা থপিয়াই নিলে সোণৰ চেইন৷ শামুখাচুক গাঁৱৰ ৰিতাঞ্জু শইকীয়া নামৰ মহিলাগৰাকীৰ ডিঙিৰপৰা থপিয়াই নিলে ডেৰটোলা ওজনৰ চেইনডাল৷

জানিব পৰা অনুসৰি নিকটৱৰ্তী এঘৰৰ তাত বিয়া খাবলৈ বুলি ওলাই আহোতেই বাইকত অহা এটা দূৰ্বৃত্তই থপিয়াই নিলে চেইনডাল৷ মহিলাগৰাকীয়ে হুৱা দুৱা লগাই যদিও তেতিয়ালৈ চোৰে পলায়ন কৰে। পিছত এই ঘটনা সন্দৰ্ভত মহিলাগৰাকীয়ে জামুগুৰি আৰক্ষী থানাত এখন এজাহাৰ দাখিল কৰে৷

অভিযোগ মতে বিগত কেইবামাহ ধৰি চিলনী চোৰে সন্ত্ৰাস সৃষ্টি কৰি আহিছে জামুগুৰিহাটত৷

সেয়েহে স্থানীয় লোকে এতিয়া আৰক্ষীৰ ক্ষীপ্ৰ তদন্তৰ দাবী কৰিছে৷

হিন্দুস্থান সমাচাৰ / নিৰ্মলেন্দু