অভিনেতা শ্ৰেয়াস তালপড়ে আৰু অভিনেত্ৰী কাজল আগৰৱালাৰ আগন্তুক ছবি দ্য ইণ্ডিয়া ষ্ট'ৰীৰ এক শক্তিশালী টিজাৰ মুক্তি পালে। চলিত বৰ্ষৰ এপ্ৰিল মাহত ঘোষণা কৰা এই ছবিখনৰ পৰিচালনা কৰিছে চেত্তন ডি কে, য’ত সাগৰ বি শ্বিণ্ডেৰ কাহিনী আৰু প্ৰডাকচন চম্ভালিছে। খাদ্যৰ মিশ্ৰণ বৃদ্ধি আৰু ৰাসায়নিক অপব্যৱহাৰৰ দৰে গুৰুতৰ বিষয়ৰ ওপৰত ছবিখনে গুৰুত্ব আৰোপ কৰিছে।
দৈনন্দিন খাদ্যত ব্যৱহৃত কীটনাশক আৰু ৰাসায়নিক পদাৰ্থ কেনেকৈ মানুহৰ স্বাস্থ্যৰ বাবে ধীৰ বিষ হিচাপে প্ৰমাণিত হৈছে সেই কথা টিজাৰটোত উল্লেখ কৰা হৈছে। খাদ্যৰ মিশ্ৰণৰ ফলত অসুস্থ হৈ চিকিৎসালয়ত ভৰ্তি হোৱাৰ দৃশ্যও ইয়াত চিত্ৰিত কৰা হৈছে, যিবোৰে দৰ্শকক স্তম্ভিত কৰি তুলিছে। টিজাৰটোত সমাজত ক্ৰমবৰ্ধমান গাফিলতি, জবাবদিহিতাৰ অভাৱ, খাদ্য সুৰক্ষা ব্যৱস্থাৰ সংস্কাৰৰ প্ৰয়োজনীয়তা আদিৰ ওপৰতো আলোকপাত কৰা হৈছে।
প্ৰযোজকসকলে দাবী কৰে যে ছবিখনে খাদ্য উদ্যোগৰ এনে কিছুমান দিশক উজ্জ্বল কৰি তুলিব যিয়ে সাধাৰণ জনতাৰ স্বাস্থ্যৰ ওপৰত প্ৰত্যক্ষ প্ৰভাৱ পেলায়। সামাজিক বাৰ্তাৰে ভৰা দ্য ইণ্ডিয়া ষ্ট'ৰী ২৪ জুলাইত হিন্দী, তামিল, আৰু তেলেগু ভাষাত মুক্তি পাব। টিজাৰটোৱে দৰ্শকৰ ইতিবাচক সঁহাৰি লাভ কৰিছে, আৰু ছবিখনৰ প্ৰতি আশা বাঢ়িছে।
হিন্দুস্থান সমাচাৰ / মনোজ কুমাৰ শইকীয়া
