নতুন দিল্লী, ০৫ জুন (হি.স.)। প্ৰধানমন্ত্ৰী নৰেন্দ্ৰ মোদীয়ে ২০২৫-২৬ বিত্তীয় বৰ্ষত ভাৰতৰ মুঠ ঘৰুৱা উৎপাদন (জিডিপি) ৭.৭ শতাংশ বৃদ্ধিৰ হাৰত সুখ প্ৰকাশ কৰি কয় যে ইয়াৰ দ্বাৰা দেশৰ অৰ্থনীতিৰ শক্তি, সংস্কাৰৰ সফলতা, আৰু ১.৪ বিলিয়ন ভাৰতীয়ৰ কঠোৰ পৰিশ্ৰমৰ প্ৰতিফলন ঘটিছে।

শুকুৰবাৰে প্ৰকাশ পোৱা চৰকাৰী তথ্য অনুসৰি ২০২৫-২৬ বিত্তীয় বৰ্ষত ভাৰতৰ অৰ্থনীতি ৭.৭ শতাংশ হাৰত বৃদ্ধি পোৱাৰ বিপৰীতে জানুৱাৰী-মাৰ্চ ত্ৰৈমাসিকত (চতুৰ্থ ত্ৰৈমাসিক) বৃদ্ধিৰ হাৰ ৭.৮ শতাংশ। এই প্ৰদৰ্শন বজাৰৰ অনুমানতকৈ ভাল বুলি গণ্য কৰা হয়।

তথ্য প্ৰকাশৰ পিছতে প্ৰধানমন্ত্ৰী মোদীয়ে ছ’চিয়েল মিডিয়া প্লেটফৰ্ম এক্সত কয় যে ভাৰতৰ বৃদ্ধিৰ গতি শক্তিশালী হৈয়ে আছে। ২০২৫-২৬ বিত্তীয় বৰ্ষত ৭.৭ শতাংশ আৰু চতুৰ্থ ত্ৰৈমাসিকত ৭.৮ শতাংশ বৃদ্ধিৰ হাৰ ভাৰতীয় অৰ্থনীতিৰ শক্তিশালীতাৰ প্ৰমাণ।

মোদীয়ে কয় যে তেওঁৰ চৰকাৰে দেশৰ জীৱন-যাপন আৰু ব্যৱসায়ৰ সহজতা আৰু অধিক উন্নত কৰাৰ লগতে যুৱক-যুৱতীসকলৰ বাবে সুযোগ বৃদ্ধিৰ বাবে কোনো শিল নপৰাকৈ নাৰাখে।

হিন্দুস্থান সমাচাৰ / মনোজ কুমাৰ শইকীয়া