নতুন দিল্লী, ০৫ জুন (হি.স.)। ৰাষ্ট্ৰীয় কৃষি বিজ্ঞান একাডেমীৰ ৩৩ সংখ্যক প্ৰতিষ্ঠা দিৱস উপলক্ষে কৃষি, পৰিৱেশ, আৰু গ্ৰাম্য উন্নয়নৰ সৈতে জড়িত বিষয়সমূহৰ ওপৰত কাম কৰা বিশেষজ্ঞসকলক সন্মান জনোৱা হয়। সাংবাদিক তথা পণ্ডিত ড° মীনা কুমাৰীক তেওঁৰ অসাধাৰণ অৱদানৰ বাবে সন্মানিত কৰা হয়।

এ পি শিণ্ডে চিম্পোজিয়াম হলত অনুষ্ঠিত হোৱা ৰাষ্ট্ৰীয় কৃষি বিজ্ঞান একাডেমীৰ ৩৩ তম প্ৰতিষ্ঠা দিৱস, পদ্ম বঁটা বিজয়ী তথা এনএএএছ ফেল’ ড০ পি এল গৌতম, ড০ অশোক কে সিং, কৃষক প্ৰতিনিধি শ্ৰীৰাং দেওবা লাড, উদ্যোগৰ বিশিষ্ট ব্যক্তি ড০ মীনেশ শ্বাহ আৰু দিলীপ সংঘনী, আৰু জ্যেষ্ঠ সংবাদ মাধ্যমৰ সাংবাদিক সঞ্জীব মুখাৰ্জীকো সম্বৰ্ধনা জনোৱা হয়।

এই উপলক্ষে এনএএএছ যুৱ বিজ্ঞানী বঁটা আৰু এনএএএছ ধনুকা বঁটাও প্ৰদান কৰা হয়। কাৰ্যসূচীৰ আৰম্ভণিতে ড° অশোক কে সিঙে আদৰণি ভাষণেৰে শুভাৰম্ভ কৰে, তাৰ পিছত ড° বি এছ দ্বিবেদীয়ে ধন্যবাদ জ্ঞাপন কৰে।

এই উপলক্ষে দিয়া ভাষণত একাডেমীৰ সভাপতি ড০ এম এল জাটে কয় যে বিজ্ঞান, উদ্যোগ, সংবাদ মাধ্যম, আৰু কৃষক সমাজৰ চাৰিটা স্তম্ভ, যাৰ সমন্বয়ই কৃষি খণ্ডত সামগ্ৰিক উন্নয়ন লাভ কৰাৰ একমাত্ৰ উপায়। সকলো সন্মানীয় ব্যক্তিয়ে নিজ নিজ ক্ষেত্ৰত অসাধাৰণ কাম কৰি এই দলংখনক শক্তিশালী কৰি তুলিছে।

হিন্দুস্থান সমাচাৰ / মনোজ কুমাৰ শইকীয়া