মুম্বাই, ০৩ জুন (হি.স.)। অভিনেতা ৰণবীৰ সিং আৰু ফেডাৰেচন অৱ ৱেষ্টাৰ্ণ ইণ্ডিয়া চিনে এমপ্লয়িজ (এফডব্লিউআইচিই) ৰ মাজত চলি থকা বিবাদ এতিয়া আইনী যুদ্ধত পৰিণত হোৱা যেন লাগিছে । অভিনেতা গৰাকীয়ে 'ডন ৩ ৰ পৰা ৰণবীৰ বাহিৰ হোৱাৰ পিছত সংস্থাটোৱে জাৰি কৰা অসহযোগ নিৰ্দেশনাৰ বিৰুদ্ধে এফডব্লিউআইচিইলৈ আইনী জাননী প্ৰেৰণ কৰিছে।

ৰণবীৰ সিঙে অভিযোগ কৰে যে সংগঠনটোৱে তেওঁৰ পক্ষৰ কথা নুশুনি একপক্ষীয় ব্যৱস্থা গ্ৰহণ কৰি তেওঁৰ পেছাদাৰী ভাবমূৰ্তি ক্ষতিগ্ৰস্ত কৰে। খবৰ অনুসৰি মঙলবাৰে এই জাননী প্ৰেৰণ কৰা হৈছে যদিও এতিয়াও সবিশেষ প্ৰকাশ কৰা হোৱা নাই।

ডন ৩ ছবিখনক লৈ ৰণবীৰ সিং আৰু প্ৰযোজক-পৰিচালক ফাৰহান আখতাৰৰ মাজত থকা মতানৈক্য কিছুদিনৰ পৰা চৰ্চাৰ বিষয় হৈ আহিছে। খবৰ অনুসৰি অভিনেতাগৰাকীয়ে সৃষ্টিশীল মতানৈক্য, নিৰ্মাণৰ পলম, চিত্ৰনাট্য চূড়ান্ত নোহোৱাৰ বাবে ছবিখন এৰি যোৱাৰ সিদ্ধান্ত লৈছিল। ইয়াৰ পিছতে ফাৰহান আখতাৰৰ কোম্পানী এক্সেল এণ্টাৰটেইনমেণ্টে ৪৫ কোটি টকা ক্ষতিপূৰণ দাবী কৰা বুলি জানিব পৰা গৈছে, যাৰ ফলত এই বিতৰ্ক আৰু অধিক তীব্ৰতৰ হৈ পৰে।

বিতৰ্ক বৃদ্ধি পোৱাৰ লগে লগে এফ ডব্লিউ আই চিয়ে ৰণবীৰৰ বিৰুদ্ধে অসহযোগ নিৰ্দেশনা জাৰি কৰে। কিন্তু অভিনেতাগৰাকীয়ে জাৰি কৰা এক বিবৃতিত এই বিষয়টোক ৰাজহুৱা বিতৰ্কৰ বিষয় হিচাপে গঢ়ি তুলিব নিবিচাৰে আৰু পেছাদাৰী বিবাদসমূহ পাৰস্পৰিক আলোচনাৰ জৰিয়তে সমাধান কৰিব লাগে বুলি উল্লেখ কৰা হৈছে।

ইফালে ৰণবীৰৰ আগন্তুক ছবি “প্ৰলে” সন্দৰ্ভতো জল্পনা-কল্পনা তীব্ৰতৰ হৈ পৰিছিল যদিও সূত্ৰই দাবী কৰিছে যে এই বিতৰ্কই ছবিখনৰ শ্বুটিঙত কোনো প্ৰভাৱ পেলাব নোৱাৰে। জয় মেহতাৰ পৰিচালনাৰে নিৰ্মিত এই ছবিখন আগষ্ট মাহত মজিয়াত মুক্তি পাব।

-----------------

হিন্দুস্থান সমাচাৰ / অৰৱিন্দ